Herbert Bellmer

Herbert Bellmer (* 28. Februar 1895 in Rönnebeck; † 5. Januar 1950 in Lübeck) weer en plattdüütschen Schriever.

Bellmer is 1895 as Söhn von en Koptein in Rönnebeck boren. Sien Vader is al 1897 doodbleven. He weer later op dat Realgymnasium Vesack un hett an de Universitäten Kiel, Marburg un Griepswoold Germanistik studeert. Von 1916 bet 1918 weer he Soldaat in’n Eersten Weltkrieg. 1920 möök he in Griepswoold dat Staatsexamen för dat högere Lehramt in Düütsch, Engelsch un Philosophie un 1923 kreeg he dor ok sien Dokter. He weer denn Schoolmeester an de Realschool in Eckernföör un an dat Gymnasium in Plöön. Von 1921 bet 1925 weer he an de düütsche Afboafdelung von de däänsche Staatsschool in Openraa.

He is denn Schoolmeester in Elmshorn un Kappeln worrn un von 1928 af an in Bremen. 1940 is he Baas von de Ernestinenschool in Lübeck worrn. 1945 hett em de brietsche Militärregerung afsett un he keem för teihn Maand in en Zivilinterneerungslager. As he ut de Haft wedder free keem, weer he en kranken Mann.

Bellmer sien Book De swarte Hahn is üm 1964 von Rainer Schepper ok in’t Mönsterlandsche översett worrn.

Warken

Plattdüütsch:

• Wilhelm Rocco als niederdeutscher Dichter. Melchers & Boettcher, Bremen [1932]
• Georg Droste. Eine Auswahl aus seinen Schriften. Meißner, Hamborg [1934]
• De swarte Hahn. Eene fidele Mordgeschichte in eenen Törn. Hermes, Hamborg 1935
• Takeltüüch. En lustig Spill in dree Törns. Hermes, Hamborg 1936 (toeerst opföhrt von de Nedderdüütsche Bühn Ollnborg 1936)
• De Düvel danzt. Speel in dree Törns. Hermes, Hamborg 1938 (toeerst opföhrt von de Nedderdüütsche Bühn Hamborg an’n 19. September 1938)
• Jan Pannkoken un de gele Hex. Plattdüütsche Määrken. Meißner, Hamborg [1939]
• Söven Milen gegen Stroom. Plattdütsch Kumödie in 3 Törns. Hermes, Hamborg 1949
• De swarte Hahn. Eene fidele Mordgeschichte in eenen Törn. Mahnke, Veern [ca. 1960]

Hoochdüütsch:

• Die Wortwiederholung in den Werken Wolframs von Eschenbach. (Dokterarbeid), Griepswoold 1923
• Die getreue Frau. Märchenspiel in 10 Bildern nach dem gleichnamigen Volksmärchen. 1927
• Thorstein. Ein Jugendspiel um Glaube und Liebe. 1928
• Die Heiligen Drei König, ein Krippenspiel. 1934

Kiek ook bi

• List vun plattdüütschen Schrievers

Weblenken

• Herbert Bellmer in de Datenbank Die niederdeutsche Literatur (hoogdüütsch)