Henry Kolarz
Henry Kolarz (ok: Heinrich Rademacher; * 4. Februar 1927 in Berlin; † 12. Oktober 2001 in Hamborg) weer en düütschen Journalist, Schriever un Dreihbookschriever.
Leven
[ännern | Bornkood ännern]Kolarz sien Öllern stammen ut Russland. He sülvst füng 1947 sien Loopbahn as Journalist för verschedene Illustreerten an, ünner annern för den Stern, wobi he sik op kriminalistische Themen kunzentreert hett. En poor vun sien Berichten hett he to Dreihböker för dat Feernsehn ümschreven, so as 1972 för den Film Der Illegale mit Götz George in de Titelrull oder 1974 för Der Scheck heiligt die Mittel över Clifford Irving.
Sien gröttsten Spood harr he in de Mitt vun de 1960er Johren, as he op de Grundlaag vun sien mehrdeeligen Stern-Bericht Das Superding ut dat Johr 1964 dat Dreihbook to den Dreedeeler Die Gentlemen bitten zur Kasse över den Posttogroov vun’n 8. Augut 1963 schreev[1][2]. Anfang vun de 1970er Johren hett he dat Dreihbook för den Tweedeeler Hoopers letzte Jagd schreven, wat de Geschicht vun de Gentlemen wieterföhren de. Man, as de NDR dat Dreihbook ut rechtliche Grünnen bannig ännern laten hett, töög Kolarz sien Naam ut de Produkschoon wedder torüch.
Mehrere vun sien Berichten weern al as Book prublizeert, as Kolarz 1977 mit Kalahari sien eersten belletristischen Roman verfaten de, de in 17 Spraken översett worrn is. Op dat Book folgen noch wietere Thrillers mit Aventüerelementen[2][3].
Toletzt leev Kolarz in Aumühle bi Hamborg[3].
Filmwark (Utwahl)
[ännern | Bornkood ännern]| Johr | Titel |
|---|---|
| 1966 | Die Gentlemen bitten zur Kasse, Feernseh-Minireeg |
| 1966 | Das Millionending, Feernsehreeg |
| 1969 | Der Kidnapper, Feernsehn |
| 1972 | Hoopers letzte Jagd, Feernseh-Minireeg |
| 1972 | Der Illegale, Feernseh-Minireeg |
| 1974 | Der Tod der Schneevögel, Feernsehn |
| 1974 | Der Scheck heiligt die Mittel, Dokumentatschoon |
| 1975 | Kleine Bank mit schlechten Noten, Feernsehn |
| 1975-77 | Tatort, Feernsehfolgen |
Publikatschonen
[ännern | Bornkood ännern]- 1960: Wenn Joseph nicht gesungen hätte
- 1961: Morgen bist du tot, Jimmy
- 1961: Nachts um vier wird nicht geklingelt
- 1963: Verwandte in Moskau
- 1964: Die Gentlemen bitten zur Kasse
- 1969: Der Tod der Schneevögel
- 1977: Kalahari, Verlag Krüger, Frankfort an’n Main, ISBN 978-3-8105-1005-1
- 1980: Der Illegale, Verlag Moewig, München, ISBN 978-3-8118-6108-4
- 1981: Die roten Elefanten, Verlag Ullstein, Berlin, ISBN 978-3-550-06461-6
- 1981: Das große Ding, Verlag Moewig, München, ISBN 978-3-8118-2116-3
- 1983: Die Ehebrecher, Verlag Lübbe, Bergisch Gladbach, ISBN 978-3-7857-0348-9
- 1984: Morgen wirst du gegrillt, Jimmy, Verlag Moewig, Rastatt, ISBN 978-3-8118-2275-7
- 1987: Es begann auf Sylt, Verlag Lübbe, Bergisch Gladbach, ISBN 978-3-404-10841-1
Borns
[ännern | Bornkood ännern]- ↑ Kortbiografie bi namibiana.de, afropen an’n 26. Oktober 2017
- ↑ a b Kortbiografie bi krimilexikon.de, afropen an’n 26. Oktober 2017
- ↑ a b Trauer um Henry Kolarz, Hamburger Abendblatt vun’n 22. Oktober 2001, afropen an’n 26. Oktober 2017
Websteden
[ännern | Bornkood ännern]- Henry Kolarz in de Internet Movie Database (engelsch)
- Literatur vun un över Henry Kolarz in’n Kataloog vun de Düütsche Natschonalbökeree