Helmut Rohde

Vun Wikipedia
Helmut Rohde (1975)

Helmut Rohde (* 9. November 1925 in Hannober; † 16. April 2016[1] in Sankt Augustin) weer en düütsch Politiker (SPD). Helmut Rohde weer van 1974 bit 1978 Bundsminister för Billen un Wetenschap, Herbert Wehner hett hüm as „Architekt und Pionier des Sozialstaats“ betekent.[2]

Leven[ännern | Bornkood ännern]

Helmut Rohde, Söhn vun August un Marie Rohde, is in dat Arbeitermilieu vun Hannover-Linden upwussen. Sien Vader weer Sozialdemokrat un Gewerkschafter. As Schweißer un Werftarbeiter in' U-Bootbau wurr de 1918 Vertruensmann vun de Unafhängige Sozialdemokraatsch Partei vun Düütschland USPD in Kiel. Nah de natschonalsozialistisch Machtövernahm 1933 weer sien Vader wegen sien Engagements johrelang arbeitslos.[2]

Rohde wurr nah den Besöök vun de Volksschool wegen good Leistungen de Togang to de Middelschool gewährt. 1943 wurr he to'n Rieksarbeitsdeenst verplicht, ansluutend weer he Wehrmachtssuldat un ok Kriegsdeelnehmer. 1945 kehr he ut de te er aus der Kriegsfangenschap torüch un weer denn för en körten Tiet för de Continental AG in Hannober tätig, is denn aber to'n Journalismus wesselt. Rohde kunn mit Ünnerstütten vun de Gewerkschap Druck und Papier en Tätigkeit bi Fritz Heine in de Pressestäe vun den SPD-Parteivöstand in Hannober antreeden. 1947 hett sück en Utbillen as Redaktschonsvolontär bi den Düütschen Pressedeenst dpd anslooten. Dornah hett he as Hannober-Redakteur bi de Düütsch Presseagentur arbeit.[2]

Van 1950 bit 1953 studeer de Katholik Rohde Politik- un Wertschapswetenschapen an de Hoochschool för Arbeit, Politik un Wertschap in Willemshaven-Rüstersiel, ünner annern bi Wolfgang Abendroth, Friedrich Lenz, Walter Bogs, Horst Jecht, Dieter Schewe un Rüdiger Altmann.[2]

Van 1953 bit 1957 weer he Pressereferent in dat Ministerium för Soziales vun dat Land Neddersassen bi Minister Heinrich Albertz. Insbesünnere Staatssekretär Walter Auerbach hett sien Interesse an de Sozialpolitik waakt.[2]

Rohde weer Vörstandsliddmaat vun de Sellschopp för Sozialen Fortschritt un Liddmaat vun dat Kuratorium vun de Hilda-Heinemann-Stiftung. He harr en Lehrupdrag an de Sozialakademie Düörpm inne un weer siet 1985 an de Universitäten Hannober un Baukem tätig, af 1994 Honorarperfesser vun de Universität Bremen.[2]

Politik[ännern | Bornkood ännern]

Partei[ännern | Bornkood ännern]

Rohde weer siet 1945 Liddmaat vun de SPD. He weer Vörsitter vun de hannobersch Jungsozialisten un stellvertreeden Vörsitter vun de Oortsvereen Hannober as ok Vörstandsliddmaat vun den SPD-Bezirk Hannober.

Rohde weer van 1973 bit 1984 Bundsvörsitter vun de SPD-Arbeitsgemeenschap för Arbeitnehmerfragen (AfA)[3] un Liddmaat vun den Sozialpolitischen Utschuss bi den SPD-Parteivörstand, de sien Liddmaat he van 1975 bit 1983 weer.[2]

Afoordneter[ännern | Bornkood ännern]

Van 1957 bit 1987 weer Rohde ahn Ünnerbreeken Liddmaat vun den Düütschen Bundsdag. 1957 un 1961 is he jewiels över de Landslist vun de SPD Neddersassen in dat Parlament intrucken un dornah wunn he immer dat Direktmandat in den Wahlkreis Hannober II. Van 1979 bit 1983 weer he stellvertreeden Vörsitter vun de SPD-Bundsdagsfraktschoon.

Buterdem weer Rohde van 1964 bit 1965 Liddmaat vun dat Europääsch Parlament un hett sück för de Europääsche Sozialunion as ok en europääsche Sozialordnung insett.[2]

Apenlich Ämter[ännern | Bornkood ännern]

Van 1969 bit 1974 weer he in dat Kabinett vun Willy Brandt Parlamentarisch Staatssekretär bi den Bundsminister för Abeit un Sozialsaken vun Walter Arendt un maatgevend an de Gestaltung vun dat Arbeitsförderungsgesett bedeeligt.[1]

In dat eerst Kabinett vun Bundskanzler Helmut Schmidt hett he an' 16. Mai 1974 dat Amt vun den Bundsminister för Billen un Wetenschap övernommen. In sien Amtstiet fullen de Entscheeden to dat Hoochschoolrahmengesett un wiedere Maatnahmen as dat Berufsbillensgesett, Utbillensplatzförderungsgesett, BAföG un de Förderung vun överbedrievlich Utbillensstäen.[1] De Numerus clausus wurr up sien Initiative hen uphaben.[2]

In' Toog vun en grötter Regeerensümbillen is he an' 16. Februar 1978 ut dat Bundskabinett utscheeden un hett sück dornah as Parlamentarier för de sozialökonomischen Struktur vun de Sellschopp, as de Bedeeligen vun de Arbeitgever an de Sozialversekerungsbidrääg insett.[2]

Ehrungen un Utteknungen[ännern | Bornkood ännern]

  • Paul-Klinger-Pries vun de Beropsfackgrupp Bühne-Film-Fernsehen vun de Düütsch Angestellten-Gewerkscha (1974)
  • Groot Verdeenstkrüüz mit Steern un Schullerband (1978)[4]
  • Honorarperfesser vun de Universität Bremen (1994)

Weblenken[ännern | Bornkood ännern]

Helmut Rohde. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. a b c Angela Merkel: Nachruf auf Helmut Rohde. In: Frankfurter Allgemeine Zeitung, 28. April 2016.
  2. a b c d e f g h i j Helmut Rohde. Lebenslauf im „Archiv der sozialen Demokratie“ der Friedrich-Ebert-Stiftung, afropen an' 28. April 2016.
  3. SPD/Arbeitnehmer: Zentraler Kraftquell. Der Spiegel 39/1973 van' 24. September 1973, S. 57–58, afropen an' 1. Mai 2016.
  4. Vörlaag:BVK