Helmut Hinrichs
Helmut Friedrich Hinrichs (* 18. August 1924 in Wittmund; † 31. Dezember 2014) weer en plattdüütsch Aktivist.
He hett toeerst dat Mariengymnasium in Jever besöcht, hett denn sien Kriegsdeenst makt, dornah sien Abitur un hett denn noch en Studium an de Pädagogisch Hoochschool in Ollnborg makt. 1948 hett he de eerste Lehramtprüfung und 1951 de tweete Lehramtsprüfung makt. 1958 keem de Realschoollehrerprüfung dorto. Toletzt weer he Baas vun de Realschooltwieg an de Alexander-vun-Humboldt-School in Wittmund.
1947 hett he de Heimatvereen Wittmund grünnd un de harr de ok verscheeden Arbeitsgruppen, so as de plattdüütsch Böhne, an de ok sien Fru Hanna mitspeelen de, dat Heimatmuseum Peldemühle, Bökereee un verscheeden annere.
1965 is he vun de Landkreis Wittmund in de Landschapsversammeln vun de Oostfreeske Landschap send wurrn. 1996 wurr he Ehrenliddmaat.
Sien besünner Verdeenst is, dat he de plattdüütsche Spraak, un hier besünners dat Harlinger Platt bannig ünnerstötten deiht, he schreev aber ok Bööker in Hoochdüütsch. Dorto hörrn Böker över dat Schicksal vun de Jööden in Wittmund un Oostfreesland, Upsatzen in de Anzeiger für Harlingerland (Heimatbilaag) oder in de Harlinger Heimatklenner. Dorto kommt plattdüütsch Sülvenratsel un Bidrääg in För Jo up Platt, ok in't Anzeiger. Man kann hüm getrost as Gallionsfigur för de plattdüütsch Spraak beteken.
För sien Verdeensten hett he den Verdeenstoorden am Bande vun dat Land Neddersassen kregen un in 2007 von de Vereen Oostfreeske Taal den Keerlke-Pries. In dat Johr 2009 kreeg he tosommen mit Johannes Mennen un Edzard Eichenbaum de eerstmals vun de Stadt Wittmund vergeven Christoffel-van-Brants-Medaille.
Kiek ook bi
[ännern | Bornkood ännern]
|
De Artikel „Helmut Hinrichs“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen. |