Carl von Ossietzky Universität Ollnborg

Vun Wikipedia
Luftupnahm vun de Carl von Ossietzky Universität Ollnborg

De Carl von Ossietzky Universität Ollnborg is en staatliche Universität in Ollnborg in Neddersassen mit 12.707 Studeerenden un 2.252 Mitarbeiter.[1]

Historie[ännern | Bornkood ännern]

Luftupnahm vun den Campus vun de Universität an den Standoort Ammerländer Heerstraße
Luftupnahm vun den Campus vun de Universität an den Standoort Uhlhornsweg
Luftupnahm vun den Campus vun de Universität an den Standoort Wechloy (Bildmidden links neben de Iesenbahnlien)

An’ 7. März 1793 wurr dat Evangeelsch Lehrerseminar Ollnsborg dör Hartog Peter Friedrich Ludwig grünnd. En Seminargorden för de Mesterutbillen wurr 1882 anleggt. De wurr de nah un nah to'n Botanischen Gorden in sien hüüdig Form utbaut. Dat is de eenzig Inrichtung in de Mesterutbillen vun dat Groothartogdom Ollnborg, dat bit hüüd erhollen bleven is. De Utbillen vun Schoolmesters wurr dör den Landdag vun den Freestaat Ollnborg an' 27. März 1929 dör de Errichtung vun de Pädagogischen Akademie in Ollnborg wieder verfolgt. An' 1. Oktober 1945 hett de Akademie as eerste Mesterutbillensstäe in dat Nahkriegsdüütschland weer apen maakt un 1948 folg en Umbenennen in Pädagogische Hochschule Oldenburg.

De eerste Träe in Richt Universität erfolg an' am 23. Februar 1959 mit den Entsluss vun den Raat, de Stadt en Universität to errichten, de an' 13. März 1970 mit de Denkschrift zur Gründung der Universität Oldenburg und Osnabrück vun den Kultusminister vun dat Land Neddersassen ümsett wurr.

In' Rahmen vun de Reform un Utwieten vun dat Hoochschoolsystem an' 5. Dezember 1973 grünnd, wurr 1974 de Lehrbedriev mit 2.400 Studenten upnommen. De Landsregeeren ünner Ministerpräsident Ernst Albrecht hett dat aber aflehnt, de Universität nah den Nobelpriesdräger un Wedderstandskämper Carl von Ossietzky to nömmen. De Studeerenden, Lehrende un anner Mitarbeiter weern dormit aber nicht inverstahn un kunnen sück an't Enn' dörsetten. Mit en Festakt an' 13. Oktober 1991 wurr dör den dormaligen Ministerpräsidenten vun Neddersassen Gerhard Schröder de Naam in' Inklang mit de Novellierung vun dat Neddersassisch Hoochschoolgesett inführt.

1984 keem to dat Lehrangebot de Studiengang Informatik dorto. Siet dat Wintersemester 2007/2008 wurrd neben Informatik ok Wertschapsinformatik as eegenständig Studiengang anboden. De bit 2002 führt elf Fackberieken gungen dör Tosommenleggen un Ümorganisatschoon in fiev Fakultäten up.

European Medical School Oldenburg Groningen[ännern | Bornkood ännern]

De Universität Ollnborg bütt nah en positiv Stellungnahm vun den Wetenschapsraat un en Finanzeerenstoseggen vun dat Land to dat Wintersemester 2012/13 eerstmals en Studium vun de Humanmedizin an. Dorför wurr en medizinische Fakultät upbaut, de in eng Kooperatschoon mit de Rijksuniversiteit Groningen in den Nedderlannen in' Rahmen vun de European Medical School Oldenburg-Groningen en dörgängigen 12-semestrigen Modellstudiengang nah de Vörgaaven vun de ärztliche Approbatschonsordnung mit den Afsluss vun en Staatsexamen inricht. Studeerende ut Grunneng könnt en Deel vun hör Studium in Ollnborg maken; Studeerende ut Ollnborg verbringen minst en Johr vun hör Studium in Grunneng. In de European Medical School kann ok de nedderlannsch Master of Science in Geneeskunde vun de Rijksuniversiteit Groningen maakt wurrn, de nah Europarecht to dat Utööven vun de ärztlichen Tätigkeit in all Staaten vun de Europääsch Union berechtigt.[2]

Fakultäten[ännern | Bornkood ännern]

  • Fakultät I – Bildungs- und Sozialwetenschapen
Institut för Pädagogik
Institut för Sonder- un Rehabilitationspädagogik
Institut för Sozialwetenschapen
Department för Informatik
Department för Wertschaps-un Rechtswetenschapen
Institut för Anglistik / Amerikanistik
Institut för Germanistik
Institut för Niederlandistik
Institut för Slavistik
Institut för Kunst un visuelle Kultur
Institut för Materielle Kultur
Institut för Musik
  • Fakultät IV – Human- un Sellschoppswetenschapen
Institut för Geschichte
Institut för Evangeelsch Theologie
Institut för Philosophie
Institut för Sportwetenschap
Institut för Biologie un Umweltwetenschapen (IBU)
Institut för Chemie
Institut för Physik
Institut för Mathematik
Institut för Chemie un Biologie vun dat Meer (ICBM)
Institut för Psychologie

Center för dat levenlang Lehrn (C3L)[ännern | Bornkood ännern]

C3L-Bowark

Dat Center för dat levenlang Lehrn (C3L) is en wetenschaplich Zentrum vun de Universität Ollnborg, dat sück mit Fragen vun de Wiederbillen un vun dat levenlang Lehrn in Forschung un Lehre befaat un forschensorienteert as ok praxisrelevante Wiederbillensangebote entwickelt un parat stellt. As wetenschaplich Zentrum mit interdisziplinäär un transdisziplinäär Utrichten liggt de Swoorpunkt vun de Forschens- un Entwicklungsarbeit vun dat C3L in de Wiederbillen an Hoochscholen un anner Bildungsinrichtungen as ok den Upbau vun beropsbegleiden Programmen.

Da C3L bütt Studiengänge to den Erwerb vun de Bachelor un den Master an:

  • Business Administration in middelständisch Ünnernehmen (B.A.)
  • BWL för Spitzensportler/-innen (B.A.)
  • Bilens- un Wetenschapsmanagement (MBA)
  • Informatschonsrecht (LL.M.)
  • Innovatschonsmanagement (M.A.)

Partnerschapen[ännern | Bornkood ännern]

Gemeensam mit de Stadtbibliothek vun de Stadt Ollnborg organiseert de „Forschungsstelle Kinder- und Jugendliteratur“ („olfoki“) de jedes Johr stattfinnen „Oldenburger Kinder- und Jugendbuchmesse (KIBUM)“. De „olfoki“ sett sück wietgahnd ut Liddmaaten vun de Fakultät III vun de Universität tosommen.[3]

De Universität is Liddmaat in dat Sokrates-/Erasmus-Partnerprogramm, en Partnerschap för den Studentenuttuusch vun völ Universitäten vun Europa.

Wiederhen wurrn Verbinnen to 38 wiedere Universitäten up fiev Kontinenten pleegt. To dat Verbetern vun Lehre un Forschung is de Universität an den Verbund vun Noorddüütsch Universitäten bedeeligt.

Standöört[ännern | Bornkood ännern]

Campus Haarentor, Hörsaalbowark
Campus Haarentor, Mensa, Universitätsbibliothek
Campus Wechloy
Campus Haarentor, Blick up den Binnenhoff

De gröttste Standoort is de Standort Uhlhornsweg. Anfang vun de 1960er Johren wurr de Bowarken vun de Pädagogisch Hoochschool baut, de hüüd noch as Nebenbowarken bruukt wurrn. In de 1970er Johren wurr de Universität dör twee Hörsaalbowarken un dat zentrale Allgemeine Verfügungs-Zentrum (AVZ) utwiet. An' 15. Oktober 1982 verlager sück de Zentraalberiek dör en nee Bowark, de nu Mensa, Bibliothek un Sportzentrum is. Dat Präsidium vun de Universität un eenige wiedere Verwaltensberieken sünd 1999 in dat Ökozentrum in direkter Nähe to de Uni trucken. 2001 folg de vöreerst letzte baulich Erweiterung dör en Hörsaalzentrum un en Institutsbowark.

De Standort Wechloy wurr tietgliek mit de Erweiterung vun den Standoort Uhlhornsweg 1982 upricht. Dor lehren und forschen de Liddmaaten vun de Fakultät V. Mit de Inweehn an' 10. Oktober 1994 befind sück dor de Bau vun dat Institut für Chemie und Biologie des Meeres (ICBM), siet den 20. September 2002 de Bowarken vun dat Hörzentrum. Up den Campus Wechloy is buterdem noch de Berieksbibliothek för de natuurwetenschaplich Facken as ok för de Facken Mathematik un Sport ünnerbrocht.[4]

De Botanisch Gorden stellt up en Flach vun ruch weg 3,7 ha (Standort Philosophenweg) de verscheedenen Klimazonen vun de Eerr dor. Dat geht up dat Johr 1882 torüch, as de en Lehrgorden för dat Lehrerseminar Ollborg anleggt wurr. Mehr as 1.000 Arten sünd ut de Flora vun Noorddüütschland to sehn, ca. 300 verscheeden sukkulente Planten in en Schaugewasshuus. Neben en Arznei- un en Buerngarden is ok en leven Hoochmoor vörhannen. Neben den Standoort Philosophenweg gifft dat noch den nicht-apenlichen Standoort Küpkersweg. De wurr 1984 in Bedriev nommen un bütt en Flach vun ca. 1,5 ha. Hier wurrn Planten antrucken un kultiveert, de to Forschung un Lehre aber ok för den apenlichen Deel vun de Botanischen Gorden an' Philosophenweg deenen söllt.[5] 2007 fier de Botanisch Gorden Ollnborg sien 125-johrig Jubiläum.[6]

Swoorpunkte[ännern | Bornkood ännern]

De Universität wurr in de 1970er Johren bekannt dör dat besünnere Konzept vun de eenphasige Lehrerbillen. Se tekent sück ok hüüd noch dör en stark Profil in de Lehrerbillen ut. Se verfügt bi de Studiengänge över all Lehrämter. Ok de fackdidaktische Lehr-Lernforschung mit dat Promotschoonsprogramm Didaktische Rekonstruktschoon (Prodid) hett en hooch Ansehn. De Carl von Ossietzky Universität hett all 1995 mit de RÖSA (Regionale ökologische Sachunterrichtslernwerkstatt) en vun de eersten universitären Lernwerkstattinrichtungen grünnd.

Wiedere besünnere Swoorpunkte in de Forschung liggen in de Informatik, de Akustik, den regenerativen Energieborns mit den internatschonalen Studiengang Renewable Energies, de Geslechterforschung as ok de Neurobiologie. Todem stell Universität mit Anfang vun dat Wintersemester 2005/2006 sämtliche Studiengänge up de in' Bologna-Prozess projekteerten Bachelor- un Master-Studiengänge üm. Se is dormit en vun de eersten Universitäten vun Düütschland, de dat maakt hemm.

2012 weer de Universität in' Rahmen vun de Exzellenzinitiative mit hör Exzellenzclusterandrag „Hearing4all“ spoodriek.[7] De mit en Fördersumm vun 34 Millionen Euro beandragt Cluster hett dat Teel, de Verbetern vun dat Spraakverstahn in' Störlärm uttoforschen.[8]

An-Institute[ännern | Bornkood ännern]

An-Institute sünd eng mit de Universität verbunnen, rechtlich aber sülvständige Organisatschonen. De Universität führt 14 An-Institute an:[9]

Hörzentrum Ollnborg
LTP GmbH
OFFIS
  • BKGE – Bundesinstitut für Kultur und Geschichte der Deutschen im östlichen Europa
    Dat 1989 grünnd Institut hörrt to den Geschäftsberiek vun den Kulturstaatsminister un beraad de Bundsregeeren in all Fragen, de Kultur un Geschichte vun düütsch Minnerheiten in Oosteuropa bedrapen.
  • ecco ecology + communication Unternehmensberatung GmbH[10]
    ecco beraad Firmen in de Berieken Management, Marketing un Kommunikatschoon un koopereert eng mit de Lehrstöhl vun de Bedrievswertschapslehre vun Reinhard Pfriem un Thorsten Raabe.
  • Express Fonds Nordwest
  • Hörzentrum Oldenburg
    Dat 1996 vun den Physiker Birger Kollmeier un dat Evangeelsch Krankenhuus Ollnborg grünnd Institut befaat sück mit Anwennen vun de Akustik för medizinisch Anwennen, insbesünnere de Entwicklung vun Hörgeräten.
  • ibe – Wolfgang Schulenberg-Institut für Bildungsforschung und Erwachsenenbildung e.V.
    Dat 1986 vun de Universität un Verbänden vun de Neddersassisch Utwussenbillen grünnd Institut deent de Fortentwicklung vun de Utwussenbillen dör Kooperatschonen mit de Wertschap, de Qualifizeeren för nee Technologien un de Qualitätssekerung. Dorneben wurrd en Archiv to de Historie vun de Utwussenbillen upbaut.
  • INS – Integration durch Sport und Bildung e.V.
  • IÖB – Institut für Ökonomische Bildung GmbH
    Dat Institut fördert de ökonoomsch Billen an allgemeenbillen Schoolen in Düütschland un in Länner in Middel- un Oosteuropa. Dat slutt de Lehrer-Fort- un Wiedebillen in.
  • ISN – Institute for Science Networking GmbH
    Dat ISN fördert de Vernetten vun wetenschaplich Informatschonen, ok dör Entwicklung un Bedriev vun Fachinformatschonsportalen in't Internet.
  • itap – Institut für technische und angewandte Physik GmbH.
    De Swoorpunkt vun de Arbeit vun dit Institut is de technische Akustik, woto Immissionsschutz, Bau- un Raumakustik, entspreken Meettechnik un Schallünnersöken bi de Gebruuk vun de Windenergie hörrn.
  • Next Energy – EWE-Forschungszentrum für Energietechnologie e. V.
  • LTP – Laboratory for Thermophysical Properties GmbH
    De 1999 grünnd LTP GmbH befaat sück mit dat Meeten vun thermophysikalen Stoffeegenschapen för de chemische Industrie. En eng Tosommenarbeit besteiht mit den Lehrstohl för Technische Chemie (bit 2012 Jürgen Gmehling) an dat Institut för Chemie.
  • OFFIS Oldenburger Forschungs- und Entwicklungsinstitut für Informatik-Werkzeuge und -Systeme e. V.
  • Parisi Photovoltaik GmbH
  • Sophie Drinker Institut für musikwissenschaftliche Frauen- und Geschlechterforschung
    De Arbeitvun ditt Institut umfaat dat Erfaaten vun wetenschaplich Literatur un deren Paratstellen as Bornsammlung. Dat Institut wurrd vun Freia Hoffmann leit.

Kulturprogramm[ännern | Bornkood ännern]

Dat Studentenwark Ollnborg bedrifft siet 1985 da UNIKUM un Unitheater. Siet Juli 1997 bruukt de to den Tietpunkt grünnd Oldenburger Universitäts Theater GmbH (OUT) da UNIKUM. Studentische un free Theatergruppen sünd dorin organiseert.

Siet 1993 wiest dat studentische Kino Gegenlicht Filmvörführen in de Olt Aula, in dat Sömmersemester ok up den Campus as Freeluftupführen. 2001 entstunnen as en wieder Projekt de Ollnborger Körtfilmdaag zwergWERK.

Mensen[ännern | Bornkood ännern]

Dat Studentenwark Ollnborg bedrifft sowohl up den Campus Uhlhornsweg as ok up den Campus Wechloy je en Mensa. De Mensen sünd siet Januar 2004 nah de EG-Öko-Verordnung mit dat BIO-Segel zertifizeert. In de Hööftmensa an' Uhlhornsweg staht jeden Dag veer verscheeden Gerichte, de man deelwies sülvst tosommenstellen kann, to Utwahl. Tosätzlich bütt dat „Culinarium“ jede Week en Utwahl an hoochqualitativen, sülvst tosommenstellbar, Gerichten, to wat höhgere Pries an.

Nahdem de Mensa an' Uhlhornsweg 2001 in de Ümfragen vun de Tietschrift UNICUM för Smack noch den eersten Platz belegg un in de Gesamtbewertung up den tweeten Platz lann, is de eetensutgaav vun dat Studentenwark in de Ümfraag 2005 nu bi den Smack up den veerteihnsten un in dat Gesamtergevnis up den twintigsten Platz to finnen. 2008 hett de Mensa an' Uhlhornsweg dat weer up den tweeten Platz in de Gesamtwertung schafft un wurr Sieger in den Beriek Smack.[11]

Tosätzlich to de Mensen bedrifft dat Studentenwark an' Uhlhornsweg en Cafeteria. In Wechloy nimmt de Mensa buterhlv vun de Eetenutgaavtieden disse Funktschoon in.

Verfaate Studeerendenschap[ännern | Bornkood ännern]

As Deelkörperschap vun dat apenliche Recht is de Verfaate Studeerendenschap in' Rahmen vun de studentischen Sülvstverwalten de Vertreeden vun all inschreven Studeerenden tegenöver de Hoochschool, de Hoochschoolleitung un de Apenlichkeit. De Studeerendenschap in Ollnborg vertreeden dör den AStA nimmt – neben en breet Spektrum an politisch Aktschonen – de Verwalten vun dat Semesterticket, den Öllern-Kind-Ruum, de Upgaven vun de Bafög-Beraaden, de Darlehensvergaav un de gemeenschaplich Anschaffen vun ökologischem Studienbedarf (Schrievworen, Druckerpatronen, Druckerpapeer un mehr) wohr. Doröver herut wurrd vun den AStA jedes Johr de autofree Hoochschooldag un – in Tosommenarbeit mit de Hoochschoolleitung un wiederen Deelorganen – dat Internatschonale Sömmerfest organiseert.

Priesen[ännern | Bornkood ännern]

  • De Carl von Ossietzky Universität vergifft jedes Johr den nah den düütschen Nobelpriesdräger nömmten Klaus-von-Klitzing-Pries för besünners engageerte Lehrpersonen in den Natuurwetenschapen in Kooperatschoon mit de EWE-Stiften. Dat Priesgeld bedrocht 15.000 Euro, dorvan mööten 10.000 Euro för en Schoolprojekt bruukt wurrn.
  • De Universität verleeht jedes Johr to’n Tag der Chemie an Schöler vun umliggen Schoolen den Angelus Sala-Pries. Mit dissen Pries wurrn Schüler uttekent, de in dat Fack Chemie herutragen Leistungen in de 10. Klass in de School schafft hemm. De Pries wurr nah den Dokter un Natuurwetenschapler Angelo Sala nömmt.
  • Der AStA/dat Ökologiereferat vun den AStA kreeg 1998 den Ollborger Umweltschuulpries för de in Inangreepnahm vun dat Semesterticket, dat mit en Saakpries vun 1000 DM honoreert wurr.

Literatur[ännern | Bornkood ännern]

  • Rainer Rheude: Kalter Krieg um Ossietzky: Warum die Universität Oldenburg fast 20 Jahre lang um ihren Namen streiten musste, Ein Namensstreit in Oldenburg; Verlag Ed. Temmen, Bremen, 2009, ISBN 978-3-8378-4011-7
  • Hilke Günther-Arndt/Klaus Klattenhoff/Friedrich Wißmann: Vom Seminar zur Universität 1793-1993. 200 Jahre Lehrerbildung in Oldenburg, Oldenburg (Bibliotheks- un Informatschoonssystem vun de Universität Ollborg) 1993, ISBN 3-8142-0422-0.

Weblenken[ännern | Bornkood ännern]

Carl von Ossietzky Universität Ollnborg. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. uni-oldenburg.de: Die Uni in Zahlen, afropen an' 5. Mai 2014.
  2. http://www.wissenschaftsrat.de/download/archiv/10345-10.pdf
  3. Forschungsstelle Kinder- und Jugendliteratur OLFOKI: Verteken vun de Liddmaaten vun de Forschnsstäe
  4. ibit.uni-oldenburg.de: Bereichsbibliothek Wechloy. Stand: 24. November 2008.
  5. botgarten.uni-oldenburg.de: Standort Kükersweg. Stand: 24. April 2003.
  6. botgarten.uni-oldenburg.de: Geschichte. Stand: 4. Juni 2008.
  7. Ergebnisse der Exzellenzinitiative für Spitzenforschung an Hochschulen.
  8. Pressemitdeelen vun de Universität Oldenburg to de Exzellenzinitiative.
  9. An-Institute an der CvOU.
  10. "ecco ecology + communication An-Institut der Universität Oldenburg".
  11. Mensa des Jahres 2008.