Helmer Hanssen

Vun Wikipedia
Wesseln na: Navigatschoon, Söök
Helmer Hanssen
Amundsen, Hanssen, Hassel un Wisting an’ Süüdppol. Fotograf: Bjaaland

Helmer Julius Hanssen (* 24. September 1870 in Bjørnskinn, hüüd Deel vun de Kommune Andøy; † 2. August 1956 in Tromsø) weer en norweegsch Polarforscher. He hett Roald Amundsen up mehreren Expeditschonen begleit.

Leven[ännern | Bornkood ännern]

Helmer Hanssen is up den Buernhoff vun sien Vader in Bjørnskinn upwussen. Bit to sien 24. Levensjohr hett he sien Vader in de Landwertschap hulpen un in de Sömmermaanden hett he wiels de Saison in’ Fischfang arbeitn. 1894 hüer he up en Walfänger an, de in dat Water tüschen Jan Mayen un Spitzbergen Jagd up Dwarg- un Wittwale maaken dee. 1896 hett he as Robbensläger arbeit. In’ März 1897 hett he in Kristiansund sien Stüermannsexamen afleggt. Ansluutend is he an Bord vun de Laura nah Nowaja Semlja fohren. In dat sülvig Johr hett Hanssen heiraadt un leet sück mit sien Frau in Tromsø daal. Hanssen funn en Anstellen bi de Vesteraalens Dampskibsselskab un hett dat norweegsch Küstenwater un dat Iesmeer befohren. In’ Sömmer 1898 hett he de Ellida för de Robbenjagd in Spitzbergen chartert un führ eerstmals dat Kommando över en Schipp. 1901 hett he sien bitherigen Arbeitgever verlaaten un hüer up de Leander an, mit de he nah England, dat Swaart Meer un Hamborg fouhr.

Van 1903 bit 1906 nehm Helmer Hanssen, de intüschen as erfohren Ieslotse gull, as tweet Offizier an Roald Amundsen sien spoodriek Fohrt dör de Nordwestpassage an Bord vun de Gjøa deel. Wiels den meest twee Johr lang düern Upenholt vun de Expeditschoon in en natürlich Haben an de Süüdoostküst vun de King-William-Insel hett he vun de Inuit bibrocht kreegen, wu man Sleddenhunnen führen deiht.

1910 hett he sück mit Amundsen up den Weg maakt, de Süüdpool to recken, ditmal as erfohren Hunnenführer. Buterdem weer he för de Navigatschoon verantwoortlich un führ den Leitkompass up sien Schledden mit sück. An’ 14. Dezember 1911 hett he gemeensam mit Roald Amundsen, Olav Bjaaland, Oscar Wisting un Sverre Hassel as eerst Minsch den Süüdpool reckt, 35 Daag ehrder as Amundsen sien Gegner Scott. Dat is antonehmen, dat Hanssen wiels den Upenholt an den Süüdpool den mathematischen Punkt up etwa 200 Meter genau passeert hett, för de navigatorisch Mögelkeiten vun de Expeditschoon weer dat bannig nau.

1919 nehm Hanssen as Kapitän vun de Maud an Roald Amundsen sien Expeditschoon dör de Noordoostpassage deel. 1936 keem sien Autobiografie herut: Die Reisen eines modernen Wikingers, London: Rutledge, 1936. Hanssen wurr för sien butergewöhnlich Seemannschap up Amundsen sien Expeditschonen in’ Noorden un Süüden vun de Welt as Ridder vun de Tweet Klass mit den Sankt-Olav-Orden dekoreert.

1924 hett he noch mal an en Spitzbergen-Expeditschoon vun de Oxford University ünner George Binney deelnommen un is dorbi mit den Hunnenschledden dwars dör dat Noordoostland vun Oost nah West fohren.

Schriften[ännern | Bornkood ännern]

  • Die Reisen eines modernen Wikingers. Rutledge, London 1936
  • Der harte Weg. Brockhaus, Wiesbaden 1955

Weblenken[ännern | Bornkood ännern]