Helios (Appelsort)

Afbillen

Helios is en fröh riepend Appelsort. In Westdüütschland unbekannt, weer se in de DDR en empfahlene Alternative to’n Witten Klarappel.

Se wurr um 1930 vun Martin Schmidt un Heinz Murawski tücht un 1969 inführt. Se is ut en Krüüzung vun de Sort „Geheemraat Dr. Oldenburg“ mit en unbekannten Partner hervörgahn. Ut Weihenstephan-Triesdorf gifft dat en root Utlese. Ut Helios wurrn ünner annern de Sorten Piros un Pia tücht.

De generell gesund, middelstark wassend Bööm hemm en stark Anfälligkeit för Füürbrand, ünner Umständen können ok Schorf un Mehldau uptreeden. Se können bi goot Bodden ok in Höhenlagen gedeehn. De licht empfindlichen, sülvststerilen Blööten kommt fröh un sünd goot Befruchter. De Fruchterdrag is hoch, aber llater gern alterneerend. De druckempfindlichen Früchte riepen Anfang bit Midden August un sünd blots twee bit dree Week lagerfähig. Se sünd wenig farvst, lütt bit middelgroot un sünd goot as Tafelobst to bruuken. Dat Fruchtfleesch is locker, swaak süürlich un licht aromatisch.

Kiek ok

List vun de Appelsorten

Weblinks

Helios (apple). Mehr Biller, Videos oder Audiodateien to’t Thema gifft dat bi Wikimedia Commons.

• Sortenporträt vun den Bayerischen Landesverband für Gartenbau und Landespflege (BLGL)
• Sortenporträt vun Hans-Joachim Bannier