Geheemraat Dr. Oldenburg

Vun Wikipedia
Appelsort Geheemraat Dr. Oldenburg, al wat schrumpelig

Geheemraat Dr. Oldenburg is en Sort vun’n Huusappel (Malus domestica), de 1897 an de dormoligen Högeren Lehranstalt för Aaftbo in Geisenheim tücht worrn is. Bi den Appel hannelt sik dat üm en Krüüzen ut de Sorten Minister von Hammerstein un Baumanns Renett. Annere Naams vun den Appel sünd t. B. Geheemraat Oldenburg un Oldenburg.

Boom[ännern | Bornkood ännern]

De Boom bruukt go’en Bodden un goot Dünger un billt dor ’n middelgrote, lichte Kroon ut. De Büüt sett ok op slechtere Boddens fröh in un fallt noch enigermaten rieklich ut, man de Boom wasst dor slechter un is ok anfalliger för Boomkrebs. En schuulte Laag is vun Vördeel, nich toletzt ok wegen de lütte Stormfastigkeit vun de Frücht. De Bruuk as Heck is för den Oldenburg nich sinnvull.

Frucht un Bruuk[ännern | Bornkood ännern]

De Appels vun de Sort Geheemraat Dr. Oldenburg sünd middelgrote, hoochboete Tafelfrücht mit geelgröne Schaal, de op de Sünnensiet deels kröftig root warrt. Dat Fruchtfleesch is locker un saftig, d Smack fien sööt-süürlich. För den Hannel warrt disse Appelsort kuum anboet, man se is wegen ehrn sünneren, fast exotischen Smack in vele Goorns vun Appelfrünnen to finnen. De Oorntiet fangt in’n September an. De Riep to’n Geneet geiht dorgegen vun Oktober bit över’n Dezember.

Literatur[ännern | Bornkood ännern]

  • Aafttafel Nr. 250 ut de Goorntietschrift 'Nach der Arbeit' Jahrgäng 1935-1956 (PDF-Datei; 80 kB)
  • Tafel Nr. 15 ut 'Unsere besten deutschen Obstsorten' Band 1: Aepfel, 6. Oplaag, Verlag Rud. Bechtold & Comp., Wiesbaden (PDF-Datei; 515 kB)

Biller[ännern | Bornkood ännern]

Kiek ok[ännern | Bornkood ännern]

List vun de Appelsorten