Heinrich Weltring

Vun Wikipedia
Zur Navigation springen Zur Suche springen
De junge Heinrich Weltring
Heinrich Weltring in Öller
Nymphe 1883(Bronze)
Lünner Krippe

Heinrich Weltring (* 18. April 1847 in Baccum bi Lingen, † 24. Mai 1917 in Thuine) was een dütschken Beldhauer, de mit veele unnerschiedlike Materialia werkte un besünners moie Frauenskulpturen makt hev.

Kindheet un Jugendtied[ännern | Bornkood ännern]

Heinrich Weltring was dat Öldeste van fief Kinner und wassde unner ärmlike Ümständ up Varelmann´s Hoff in Baccum up. He hev dat glieke Platt sproken, mit dat düsse Siete schreven is. De Vader, Martin Weltring, geb. Wobbe, kömp ut Messingen. He hierodete 1846 Anna Maria Weltring, de eene Buerei in Baccum ha. De Va störf all mit 41 Jar un de Moer werkte alleen mit ehre lütken Kinner up den Hoff wieder. Heinrich was to düssen Tiedpunkt jüst 8 Jar old. Üm en bitken Geld för de Familie to verdeinen, göng he no de Schooltied as Knecht up den Hoff van sien Onkel Clemens Sentker, geb. Weltring, in´n Oortsdeil Ramsel. As ok de Moder 1868 mit 42 Jar störf, versochde de dormals 21jörige tonächst, den Hoff mit siene 4 Geschwister alleen wieder to beackern.

Et wet berichtet, dat Heinrich Weltring all as Jong vulle Figuren ut Holt makt heff. De Pastor Caspar Ludwig Schriever (1832-1905) ut Plantlünne hörde dorvan. Mit siene Hölpe konn Heinrich mit 23 Jar eene veerjährige Lehre bi den Osnabrückschen Beldhauer Heinrich Seling (1843-1912) anfangen. Vörher ha he den Hoff an sienen Onkel to Pacht geven un sük üm de Versorgung van siene Broers un Süsters kümmert. De jüngste Broer Clemens word later ok Beldhauer. 1874 göng Heinrich Weltring no Berlin to den Beldhauer Heinrich Pohlmann (1839-1917) un besochde de Königlike Akademie för Künste, de van Professor Fritz Schaper leitet was.

Erste Arbeten[ännern | Bornkood ännern]

De ersten Updräge wassn in Berlin eene Christusfigur un eene Maria-Hoelp-Statue för de Kerke in Plantlünne. 1877 möök he ut Buntsandstien Hiligenfiguren för de Säulen und Skulpturen van Adam und Eva för den Chorruum van den Halberstädter Dom. No den Verkoop van sien Hoff in Baccum tröck Weltring 1880 no Karlsruhe üm, wo he erst bi Professor Adolf Heer werkte.

Sien Hauptwerk[ännern | Bornkood ännern]

Mit de Skulptur "Nymphe" wöerd he 1883 bi een grötteret Publikum bekannt. Heinrich Weltring ha in Karlsruhe in den Fabrikant Wilhelm Lorenz een Mäzen funnen, de em ok immer wehr Updragsarbeeten vermiddelde. So entstünnen in düsse Phase van grote Schaffenskraft de "Violinspeeler", de "Lünner Krippe", de "Nymphenbrunnen" för den Erbprinzengoarn in Karlsruhe, eene "Feuerbachbüste" un wiedere Potraitbüsten van bedütendende Persönlichkeeiten ut siene Tied.

Twee wiedere Erfolge entstönden up den höchsten Punkt van sien Werken. 1889 hev he i de Fiskerfrouw mit ehr Blaach an´n Strand för de staatlike Kunsthalle in Karlsruhe un 1902 dat Hirtenwicht maakt. Düsse Skulptur is van de Stadt Karlsruhe upkofft worn un steeht nu in`n Waldstaudengarten. Weltring un sien Mäzen verdrögen sük dann nich mehr. Dorno göngen de Updräge torüch. Weltrings Finanzen verschlechderten sük Dach för Dach. He löt sük as Lehrer för Modelleeren an eene Schoole för Molerinnen in Karlsruhe instellen un konn to´n End nur noch mit Stienmetzarbeten överlewen. 1908 kömp Heinrich Weltring ohne Geld in siene Heimat torüch. He kömp in Thuine bi sien Broer August Weltring, de Hauptlehrer in de Volksschoole was, unner.

Late Arbeeten[ännern | Bornkood ännern]

De laten Arbeeten bint nur lokal van Bedütung. So mök he in düsse Tied mehrere Skulpturen för de Thuiner Kerke, för dat Thuiner Kloaster un den Kerkhoff. He mök ok eenige private Arbeten. För sienen Geburtsoort Baccum konn he nur de Teikningen för de Molerei in de kath. Kerke maaken. Sien lestet Kunstwerk was eene Krippe ut Sandstien för de Thuiner Doerpkerke. Heinrich Weltring is 24. Mai 1917 storven un is up den Thuiner Kerkhoff begrawen.

Uplistung van siene bekannten Arbeeten un ok, wo se stoht[ännern | Bornkood ännern]

  • Christusfigur un Maria-Help-Statue för de Kerke in Plantlünne, 1874 (Sandstien) - vandaage in Lünne
  • Hiligenfiguren an de Säulen in Halberstädter Dom, 1877 (Sandstien) - vandaage in Halberstadt
  • Adam un Eva in Chorruum van den Halberstädter Dom, 1877 (Sandstien) - vandaage in Halberstadt
  • Nymphe or Badende, 1883 (Bronze) - vandaage in´t Emslandmuseum Lingen
  • Lünner Krippe, 1884 (Holt) - vandaage in Lünne
  • Violinspeeler, 1885 (Bronze) - unbekannt Standoort
  • Büste van den Dichter Viktor von Scheffel, 1885/86 (Marmor) - unbekannt Standoort
  • Büste van den Freihern von Drais, 1885/86 (Marmor) - unbekannt Standoort
  • Büste van den Großherzog von Baden, 1885/86 (Marmor) - unbekannt Standoort
  • Büste van den Markgrafen Georg Friederich von Baden, 1885/86 (Marmor) - unbekannt Standoort
  • Teen Figuren för dat Heidelberger Schloß, 1885/86 (Sandstien) - vandaage in Heidelbarg
  • Verschiedene Entwörpe för Kunstbrunnen, 1885/86 - unbekannt Standoort, deilwiese in Karlsruhe
  • Nymphengruppe, 1889-91 (Bronze) - vandaage in Erbprinzengarten in Karlsruhe
  • Feuerbachbüste, 1893 (Marmor) - vandaage in Karlsruhe
  • Porträt för´t Denkmoal van Professor Wilhelm Lübke, 1895 (Bronze) - vandaage in Karlruhe
  • Fischersfruwe mit Kind an Strand, 1898 (Bronze) - vandaage Staatliche Kunsthalle Karlsruhe
  • Hirtenwicht, 1902 (Bronze) - vandaage in Waldstaudengarten Karlsruhe
  • hl. Heinrich, hl. Aloysius, hl. Isidor, 1910/11 (Gips) - vandaage in Thuiner Doerpkerke
  • Entwoerp van hl. Isidor, 1910 - vandaage Familie Hermann Brüne, Freren
  • Pieta för Doerpkerke hl. Georg (Kopie van de Madonna van Wilhelm Achtermann) - vandaage in de Liekenhalle Thuine
  • Heinrich II.-Statue, 1910 (Sandstien) - vandaage Dorfpark Thuine
  • Grabdenkmoal för Pastor Einspannier - vandaage olle Friedhoff Thuine
  • Pieta - vandaage in eene Kluse in Kloasterpark Thuine (Kopie van de Madonna van Wilhelm Achtermann)
  • hl. Antonius - vandaage in St. Georgstift Thuine
  • Relief van hl. Cäcilia - vandaage Frouwe Anneliese Köhne, Lingen
  • Kruzifix - vandaage Frouwe Anneliese Köhne, Lingen
  • Gänseliesel, 1911 - vandaage Familie Bernd Robben, Lingen-Gleesen
  • Wegkruiz mit Toafel, 1909 - vandaage Familie Teepker/Waller, Langen-Rentrup
  • Beld van hl. Cäcilia - vandaage Familie Klaus Fasselt, Thuine
  • Diverse Aquarelle - privat in Berlin
  • Krippe för de Thuiner Doerpkerke, 1913 (Sandstien) - vandaage Thuiner Doerpkerke

Literatur[ännern | Bornkood ännern]

  • Eiynck, Andeas: Eine Nymphe vom Bildhauer Heinrich Weltring (1847-1917) im Emslandmuseum, in: Jahrbuch des Emsländischen Heimatbundes, Bd.38/1993, Sögel 1992
  • Heine, Paul: Der Bildhauer Heinrich Weltring, in: Der Heimatbote 1987, Hrsg.: Heimatverein e.V. Baccum, Baccum 1987 (hier weitere Quelle)
  • Lehrerverein der Diöszese Osnabrück (Hrsg.): Der Kreis Lingen. Beiträge zur Heimatkunde des Regierungsbezirks Osnabrück, Band 1, Lingen 1910
  • Schriever, Ludwig: Geschichte des Kreises Lingen. Bd.II, Lingen 1910