Heinrich Kunst

Vun Wikipedia
Zur Navigation springen Zur Suche springen

Heinrich Kunst (* 1905 in Ofenerfeld; † 1993 ok dor) weer en plattdüütschen Volksschauspeler.

Kunst is 1905 in Ofenerfeld as Söhn vun en Buurn boren. He hett in de Johren1920 en plattdüütsche Theatergrupp in Ofenerdiek grünnt un is 1931 Maat vun de Plattdüütsche Bühn an’t Landstheater Ollnborg (wat later de August-Hinrichs-Bühn worrn is) worrn. Dat weer he bet to sien Levensenn.

He hett ok in welk Films mitspeelt un is in’t Radio un Feernsehn optreden.

Kunst hett dat Bundsverdeenstkrüüz kregen un weer Ehrenbörger vun de Gemeen Wiefelstäe.

Sien ganz Leven hett he op sien Öllernhoff in Ofenerfeld leevt. De Hoff güng na sien Dood an de Gemeen Wiefelstä. De Verein Begegnungsstätte Heinrich Kunst hett dor later en Versammlungs- un Begegnungssteed un en lütt Heinrich-Kunst-Museum vun maakt.

Kunst weer vun 1932 bet to ehr Dood 1992 verheiraadt mit Hanne Kunst b. Hedemann.

Filmografie (Utwahl)[ännern | Bornkood ännern]

Johr Titel
1968 Vier Stunden von Elbe 1, Feernsehn
1969 Ein Jahr ohne Sonntag, Feernsehreeg
1971 Im Fahrwasser, Feernsehn
1979 Kümo Henriette, Feernsehreeg
1986 Finkenwerder Geschichten, Feernsehreeg
1989 Otto – Der Außerfriesische

Literatur[ännern | Bornkood ännern]

  • Wilfried Harms: Wi laat us Tiet. Beleven mit Heinrich Kunst. Isensee-Verlag, Ollnborg 1998, ISBN 3-89598-537-6
  • Herwig Dust: ...is allens wat dorbi. Eine Biographie über Heinrich Kunst. Isensee-Verlag, Ollnborg 1997, ISBN 3-89598-452-3

Weblenken[ännern | Bornkood ännern]