Heinrich Küster (Landdrost)
Heinrich Küster (* 21. Januar 1821; † 10. Dezember 1904) weer en düütschen Verwaltungsbeamten.
Küster is 1821 boren un hett 1839 dat Gymnasium Johanneum Lümborg afslaten. He hett Juristeree studeert un sien Dokter maakt. 1847 is he Amtsassesser worrn un 1849 Hülpsarbeider bi dat Binnenministerium von Hannover. Von 1852 bet 1866 weer he Referent bi dat Binnenministerium. 1857 is he Regerungsraad worrn. As dat Königriek Hannover na’n Düütschen Krieg Deel von Prüßen worrn is, hett Küster 1867 as Hülpsarbeider bi dat Binnenministerium von Prüßen anfungen. 1868 is he Gehemen Regerungsraad in dat Binnenministerium worrn un 1869 Vörtragender Raad.
He weer von 1872 bet to sien Rohstand 1885 de letzte Landdrost von de Landdrostie Stood.
