Hein Thies

Vun Wikipedia

Heinrich Thies (* 1938 in Westerrönfeld) is en Intressenvertreder för de plattdüütsche Spraak un plattdüütsche Spraakpolitik.

Streven[ännern | Bornkood ännern]

Heinrich Thies is in en plattdüütsche Familie un Naverschop in Westerrönfeld groot worrn. In Verenen un Gremien sett he sik dorför in, dat de plattdüütsche Spraak wohrt un pleegt warrt.

He hett mit Frünn den Heimat- un Börgervereen Glinn grünnt. Lange Johren weer he in’n Vörstand un ok en Reeg vun Johren Vörsitter. De Vereen weer de Grundlaag för plattdüütsche Veranstalten, en tweespraakig Heimat- un Möhlenmuseum in Glinn, ok bi de Arbeit för de Opnahm vun Plattdüütsch in de sleswig-holsteensche Lannsverfaten un de Europääsche Sprakencharta.

De Fehrs-Gill, die sik bet dorhen mit plattdüütsche Literatur befaat harr, hett he, as he Vörsitter worrn weer, to en Sellschop för nedderdüütsche Spraak, Literatur un Spraakpolitik utbuut.

Op dat Opgavenflach nedderdüütsche Spraakpolitik hett Heinrich Thies - tosamen mit Heinrich Kahl - dat Kleine Plattdeutsche Wörterbuch vun Johannes Saß to dat bestbeoordeelte un bestverköffte Platt-Wöörbook der neue SASS maakt. An sein Siet hett he de Utgaav der kleine SASS. Stellt. Bi düsse Arbeit geiht em dat ok üm den Sprakhutbu. Bavento hett he de Bruuksgrammatik SASS Plattdeutsche Grammatik schreven. Se is gau as Standardwerk annahmen worrn. Toletzt hett he de SASS’schen Schrievregeln as SASS plattdeutsche Rechtschreibung kompleet utarbeidt.

Op dat Opgavenflach nedderdeutsche Spraakpolitik höört dat Streven, den Rahmen för dat Plattdüütsche to verbetern, sünnerlich dorop to drängen, dat de Politik ehr Plichten ut de Europääsche Sprakencharta deit. Hierför arbeidt Heinrich Thies ok in’n Utschuss för Plattdüütsch un Freesch vun’n Sleswig-Holsteenschen Heimatbund mit. He hett dor dat Grundsatzpapeer Zukunft Plattdeutsch mit utarbeidt un dat ok torechtkregen, dat tweesprakige Oortsschiller in Sleswig-Holsteen opstellt warrn köönt. Toletzt hett de Vörslääg mit utarbeidt, de de Plattdüütsche Raat Sleswig-Holsteen den Ministerpräsidenten un de Minnerheiten- un Plattdüütschbeopdragte vun Sleswig-Holsteen för den Handlungsplan Sprachenpolitik övergeven hett. Mit düssen Plan will de Lannsregeren wat för de Lüttspraken, ok för Plattdüütsch, doon.

Dat Richtwoort vun Heinrich Thies heet: „Plattdüütsch is en Stück noorddüütsche Kultur. Un Kultur smitt man nich weg, man heegt un pleegt ehr!“

Schriften[ännern | Bornkood ännern]

  • Schleswig-Holstein. Land twüschen Heven und See. Wachholtz, Neumünster 2007, ISBN 978-3-529-05340-5.
  • Der neue SASS. Plattdeutsches Wörterbuch. Plattdeutsch-Hochdeutsch/Hochdeutsch-Plattdeutsch. 6. Auflage. Wachholtz, Neumünster 2011, ISBN 978-3-529-03000-0.
  • Der kleine SASS. Plattdeutsches Wörterbuch. Plattdeutsch-Hochdeutsch/Hochdeutsch-Plattdeutsch. 1. Auflage. Wachholtz, Neumünster 2013, ISBN 978-3-529-03103-8.
  • SASS Plattdeutsche Grammatik. Formen und Funktionen. 2. Auflage. Wachholtz, Neumünster 2011, ISBN 978-3-529-03200-4.
  • SASS Plattdeutsche Grammatik. Formen und Funktionen. Netzausgabe 2014, www.sass-plattdeutsche-grammatik.de
  • SASS Plattdeutsche Rechtschreibung. Sonderausgabe 10/2014 der Blätter der Fehrs-Gilde, Glinde 2014.
  • SASS Plattdeutsche Rechtschreibung. Netzausgabe 2015, www.sass-plattdeutsche-rechtschreibung.de

Uttekens[ännern | Bornkood ännern]

  • Ehremvörsitt vun de Fehrs-Gill
  • Ehrenmaatschop vun'n Heimat- un Börgervereen Glinn
  • Ehrenoorkunn vun de Stadt Glinn
  • Bardörper Börgerpries
  • Ehrennadel vun'n Krink Stormarn
  • Ehrennadel vun't Land Sleswig-Holsteen 
  • Gollen Ehrennadel vun'n Sleswig-Holsteenschen Heimatbund
  • Bunnsverdeenstkrüüz an't Band

Nettlenks[ännern | Bornkood ännern]