Haven Bützfleet

Vun Wikipedia
Zur Navigation springen Zur Suche springen
Luftbild von’n Haven

De Haven Bützfleet is en Haven an de Elv bi’n Oort Bützfleet (Deel von de Gemeen Stadt Stood). De Haven liggt 60 Seemielen (110 km) von de Noordsee af (meten von Elv 1).

De Haven is groot noog för Scheep, de 270 m lang sünd un 14 m Deepgang hebbt. De Lagerflächen sünd alltohoop 18.500 m² groot. De Ünnerscheed twischen Ebb un Flood in’n Haven is 3,1 m.

De Haven warrt vör allen von dat Aluminiumwark von Aluminium Oxid Stood un dat Chemiewark von dat Dow-Wark Stood bruukt.

Opstunns warrt de Haven von Niedersachsen Ports op 46 ha noch wieder utboot.

De Haven is över de Bundsstraat 73 un de Autobahn 26, de to’n groten Deel noch nich trech is, nich good an dat Stratennett anslaten. In Tokumst, wenn de A 26 un de plaante A 20 mit’n Elvtunnel bi Drochters trech sünd, ännert sik dat aver ganz un gor.

Weblenken[ännern | Bornkood ännern]

Commons-logo.svg Haven Bützfleet. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 39′ N, 9° 31′ O