Harry Leahey

Harry Leahey (* 1. September 1935 in Plattsburgh (New York); † 12. August 1990) weer en US-amerikaansch Jazz-Gitarrist un Komponist.

Harry Leahey fung 1948 mit dat Gitarrenspeel an un harr Ünnerricht bi Johnny Smith un Dennis Sandole. Later studeer he Musiktheorie un Harmonielehr an de Manhattan School of Music in New York City. In’ Ansluss doran hett he in tallriek Jazz-Formatschonen speelt, u. a. mit Don Sebesky (1973), Michel Legrand, Mark Murphy, Ira Sullivan, Eric Kloss, Gerry Mulligan, Al Cohn as ok af 1978 bit to sien Dood mit sien eegen Trio, mit de he vör allen in New Jersey, Pennsylvania un in de Saat New York uptreden is. Lang Tiet hörr he de Band vun Phil Woods an; so wark he bi de sien Alben Silver Threads (1976) un Live from the Showboat (1977) mit, dat sien Kompositschoon „Rain Danse“ un sien Arrangement vun Django Reinhardts „Manoir de mes rêves“ enthull.

Neben en Album mit sien Trio nehm he noch en anner mit den Bassisten Steve Gilmore up; in’ März 1989 entstunn in dat Studio vun Rudy Van Gelder en letzt Produktschoon, dat Soloalbum Unaccompanied Guitar.

Neben sien Tätigkeit as Musiker weer he siet Beginn vun sien Karriere as Musikpädagoog aktiv; eerst as Privatschoolmeester an sien Wahnoort Plainfield (New Jersey) un van 1974 bit 1988 as Lehrbeupdragter an de William Paterson University. To sien Schölers hörrn ünner annern Vic Juris, Bob DeVos, Jon Herington, Warren Vaché, Jack Six, Walt Bibinger, Larry Barbee und Chuck Loeb.

Diskographisch Henwiesen

• Still Waters (OmniSound, 1980)
• Silver Threads (OmniSond, 1982) mit Steve Gilmore

Born

• Bielefelder Katalog 1988 & 2002
• Richard Cook & Brian Morton: The Penguin Guide to Jazz Recordings, 8th Edition, London, Penguin, 2006 ISBN 0-141-02327-9