Hans Klodt

Vun Wikipedia

Johann „Hans“ Klodt (* 10. Juni 1914 in Gelsenkiärken; † 7. November 1996 ok dor) weer en düütsch Footballspeler. He weer de öllere Bröer vun Bernhard Klodt, de 1954 mit de Düütsch Football-Natschonalmannschap in de Swiez Football-Weltmeester wurr.

Hans Klodt speel as sien Bröer ok för den FC Schalke 04. Tüschen 1936 un 1948 weer he de Doorhöder vun den Vereen un wurr 1937 sowohl Düütsch Meester as ok Tschammer-Pokalwinner. 1942 un 1943 wurr he wegen en Kriegsbesehren dör Heinz Flotho vertreden un verpass somit den Gewinn vun de Meesterschap 1942.

Sien Loopbahn fung nicht bi Schalke 04 man bi den BV Gelsenkiärken 12 an. 1948 hett he Schalke in Richt Beckum verlaaten, wo he noch bi 1955 aktiv weer.

In de düütsch Natschonalmannschap hett he tüschen 1938 un 1941 all tosommen 17 Mal speelt.

Klodt harr Kraftwagenfohrer lehrt un hett as Warkmeester arbeit.