Hans-Peter Friedrich

Hans-Peter Friedrich (2020)

Hans-Peter Friedrich (* 10. März 1957 in Naila, Oberfranken) is en düütscher Politiker vun de CSU.

Friedrich is siet den 3. März 2011 Binnenminister vun de Bundsrepubliek Düütschland. Van 2005 bit 2011 weer he stellvertreden Vörsitter vun de CDU/CSU-Bundsdagsfraktschoon un van Oktober 2009 bit März 2011 CSU-Landsgruppenvörsitter.

Leven

Utbillen

Nah sien Abitur an dat Gymnasium in Naila hett Friedrich tonächst den Wehrdeenst afleist un hett denn en Studium vun de Rechtswetenschap in München un Augsborg anfungen, dat he 1983 mit de eersten juristisch Staatsexamen afslooten hett. Dat tweet juristisch Staatsexamen hett he 1986 un 1988 an de Universität Augsborg sien Doktertitel makt. Sien Dokterarbeit weer Die Testamentsvollstreckung an Kommanditanteilen.

Berop

1988 wurr Friedrich Regeerensraat bi dat Wertschapsministerium. 1990 wurr he to de Wertschapsafdeelen vun de Düütsch Botschap in Washington afordnet. Dornah weer he af 1991 wetenschaplich Mitarbeiter un af 1999 persönlich Referent vun den CSU-Landsgruppenvörsitter Michael Glos.

Partei

1973 wurr Friedrich Liddmaat vun de Junge Union un 1974 vun de CSU. Friedrich weer bit to de Rückträe vun Karl-Theodor zu Guttenberg stellvertreden Vörsitter vun de CSU Oberfranken un führt kommissarisch dat Amt vun den Bezirksvörsitter ut.

Afordneter

Siet 1998 is Friedrich Liddmaat vun den Düütschen Bundsdag. Hier weer he van 1999 bit 2002 stellvertreten Vörsitter vun den Ünnersökensutschuss Parteispenden un van 2002 bit 2004 vun den Ünnersökensutschuss Wahlbetrug. Van 2002 bit 2005 weer Friedrich buterdem Justitiar vun de CDU/CSU-Bundsdagsfraktschoon.

An‘ 29. November 2005 wurr he to‘n stellvertreten Fraktschonsvörsitter för de Berieken Verkehr, Bau, Stadtentwicklung; Tourismus; Kommunalpolitik wählt.

Nah den Wessel vun sien Vörgänger Peter Ramsauer in‘t Bundsministerium för Verkehr, Bau un Stadtentwicklung nah de Bundsdagswahl 2009 wurr Friedrich Vörsitter vun de CSU-Landsgrupp.

Privates

Hans-Peter Friedrich is verheiraadt un hett dree Kinner.

Weblenken

• DNB-Katalog
• Hans-Peter Friedrich up de Siet vun dat Binnenministerium (BMI)
• Websteed vun Hans-Peter Friedrich
• Personennaamdatei

Enkeld Nahwiesen

Binnenministers vun de Bundsrepubliek Düütschland

Gustav Heinemann | Robert Lehr | Gerhard Schröder | Hermann Höcherl | Paul Lücke | Ernst Benda | Hans-Dietrich Genscher | Werner Maihofer | Gerhart Rudolf Baum | Jürgen Schmude | Friedrich Zimmermann | Wolfgang Schäuble | Rudolf Seiters | Manfred Kanther | Otto Schily | Wolfgang Schäuble | Thomas de Maizière | Hans-Peter Friedrich | Thomas de Maizière | Horst Seehofer