Hans-Jürgen Klein

Vun Wikipedia
Wesseln na: Navigatschoon, Söök
Hans-Jürgen Klein 2007

Hans-Jürgen Klein (* 21. Mai 1952 in Riäke) is en düütschen Politiker von Bündnis 90/De Grönen.

Klein is 1952 in Riäke boren un weer na de Realschool op de Högere Hannelsschool in Ibbenbüren. Von 1970 bet 1973 hett he en Lehr as Kommunalbeamten bi’n Landschopsverband Westfalen-Lippe in Mönster maakt un denn sien Wehrdeenst bi de Bundswehr.

Bet 1976 hett he bi de Landwirtschaftliche Beroopsgenossenschaft as Unfallsakenbearbeider un bet 1980 as Organisatschoonssakenbearbeider un Viezbaas von en Afdeel bi de Universität Köln arbeidt. Na disse Tied weer he Huusmann.

He is verheiraadt un hett veer Kinner.

1983 is Klein bi Bündnis 90/De Grönen ringahn.

He hett von 1986 bet 1995 as Geschäftsföhrer von De Grönen in’n Kreisverband Cuxhoben arbeidt. Na disse Tied weer he bet 1998 Mitarbeider in de Grönen-Frakschoon in’n Neddersassischen Landdag.

Von 1986 bet 1998 weer Hans-Jürgen Klein in’n Raad von de Samtgemeen Sietland un bet 2001 in’n Gemeenraad von Steenau. Von 1991 bet 1998 weer he in’n Kreisdag von’n Landkreis Cuxhoben. 1998 is he över de Landslist von de Grönen in’n Neddersassischen Landdag rinkamen. Klein is huusholtspolietsche Spreker von de Landdagsfraktschoon bi de Grönen un Maat in dat Präsidium von’n Neddersassischen Landdag.

Klein is ok Maat in de Versammlungen von de Metropoolregion Hamborg un Bremen/Ollnborg.

Weblenken[ännern | Bornkood ännern]

Commons-logo.svg Hans-Jürgen Klein. Mehr Biller, Videos oder Audiodateien to’t Thema gifft dat bi Wikimedia Commons.