Hans-Hermann Ott

Vun Wikipedia
Zur Navigation springen Zur Suche springen

Hans-Hermann Ott (* üm 1940) is en düütschen Politiker von de CDU.

Ott is üm 1940 boren un hett Bueree lehrt. He hett von 1968 bet 1984 en Pachthoff in Abbenfleet hatt. Na 1984 hett he as Berader in de Bueree un as Hannelsvertreder arbeidt. 1995 is he Fleeschkuntrullör worrn un weer in dissen Beroop bet 2006 aktiv. Ott leevt in Abbenfleet.

Ott is 1967 in de CDU ringahn. 1976 is he Maat von’n Oortsraad von Bützfleet worrn, 1981 von’n Kreisdag in’n Landkreis Stood un 1991 in’n Stadtraad von Stood. He weer 1991 bet 2001 Oortsbörgermeester von Bützfleet.

He weer von 1996 bis 2001 tweten Viez-Börgermeester von de Stadt Stood un denn 2001 bet 2006 as Nafolger von Heinz Dabelow eersten Börgermeester. Von 2007 bet 2011 weer he denn eersten Viez-Börgermeester.

15 Johr weer he Vörsitter von’n Börgervereen Bützfleet un sied 1997 Vörsitter von’n Fördervereen Festung Graueroort. In’n Februar 2012 hett he dat Bundsverdeenstkrüüz kregen. Von 1979 bet 1995 weer he Vörsitter von’n CDU-Kreisverband Stood.

Ott hett 1966 siene Fro Hannelore freet. Mit ehr hett he twee Döchter un een Söhn.