Haicke

Haicke (ok Haicko, Haico, Haike, Haiko, Haycke, Haycko, Hayco, Hayke un Hayko) is en plattdüütschen Vörnaam för Jungs. Bruukt warrt he sünnerlich in Oostfreesland.

Herkamen

Düsse Naam kümmt vun den Naam Haje un siene verscheden Schriewiesen her. De geiht wedder torüch up den öllern Naam Hajen (vun Hagen).

Anbacksels

An den Stamm Haje is dat Anbacksel to'n lüttjer maken -ke achtern anbackt wurrn. So is dor denn de Naam Hajeke vun wurrn. De is afslepen to Hajke/Haike. De öllere Naam hett dat Enne -e. Vunwegen dat düsse Naam ok för Deerns to bruken weer (vgl. mit Heike), hefft de Lüde dor denn woll ok dat Maskulin-Suffix -o an de Steed vun -e sett. Denn is dor Haiko vun wurrn. Fröher hett dat keen Duden un keen Sass geven. Dorüm gifft dat ganz verscheden Schrievwiesen vun düssen Naam.

Kiek ok bi

• Haie
• Heiko
• List vun plattdüütsche Vörnaams

Weblenken

• Wofaken un woneem de Vörnaam in Düütschland vörkummt: Haike, Haiko, Hayco, Hayke, Hayko

De Artikel „Haicke“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.