Gymnasium Vosshusen

Dat Gymnasium Vosshusen is dat eenigste Gymnasium vun Vosshusen in Nedersassen.

De Voss - Dat Logo vun dat Gymnasium

Woneem dat is

Dat Gymnasium Vosshusen liggt twüschen den Schoolsee in'n Osten, den Sportplatz un de Grunnschool in'n Westen un de Ernst-Moritz-Arndt-Straat in'n Norden. Dat gifft twee Togäng: Eenmol vun den Schoolsee un eenmol vun de Ernst-Moritz-Arndt-Straat blangen de Realschool un de Swimmhall.

Historie

Dat ween 1971, dor weer dat Gymnasium Vosshusen opmookt woorn. Bit 1973 weern dat bloots een poor hölten Barackens. Vun 1972 an is denn buut woorn. Un 1973 weer denn de Sporthall un de A-Trakt fardig. Later denn de Naturwetenschapen un de Kamers för de Verwaltung. Un 1977 güng dat mit dat Seilen los, in de Seil-AG, de dat vun dor af bit hüüt geev un gifft.

Vun 1978 geev dat denn ook dat Forum un den B-Trakt, de acht Ecken harr un mittenmang een groten Boom ünner dat Dack.

Toers weern dat jümmers de Klassen 7 bit 13, de op dat Gymnasium gungen. Vun 2004 denn vun de Klass 5 an. Dor is dat Gymnasium denn ook op över 1200 Schölers anwussen.

Dat Huus weer twors nich ool, man dat regen denn ook faaken rin un denn keem rut, dat wedder een nieg School buut warrn schull. Denn güng dat so, dat de Reolschool in een renoveerten Deel vun dat ole Gymnasium trock un dat Gymnasium een nieget Huus kreeg. Harr tosomen 17 Millioen Euro köst. Dat niege Schoolhuus weer denn 2007 fardig.

Sünnerlichkeeten

Utlann

Dat Gymnasium hett sünnerliche Partnerschapen mit

• England
• Hauppauge, USA,
• Frankriek
• Tansania.

Spraken

Dat gifft söven Spraken blangen Hoochdüütsch: Ingelsch, Plattdüütsch (as AG), Franzeusch, Russ’sch, Latinsch, Spaansch un Däänsch (as AG).

Musik

Dat gifft Blosmusik-Klassen, een Schöler-Persepter-Öllern-Chor un een Orchester.

Speeldeel

De Speeldeel vun dat Gymnasium is heel bekannt. Naamt sick "Theoter-AG". Hett sogor een tweeten Pries bi een bunnswiede Konkurrenz wunnen. Un keem denn na Berlin to den Bunnspräsidenten. Un wenn de Lütten ut de föffte Klass to't eerste Mol na de niege School goht, denn gifft dat faaken dat Stück vun den OOT, wat över den Oberstufen-Ordnungs-Trupp geiht, den dat obers nich in Echt gifft.

Lemis

Dat Projekt "Lemis" heet: Leeren mit Schölers. Dor köönt denn lütte Schölers in lütte Krings Ünnericht bi gode gröttere Schölers kreegen, dat se beter wat in ehrn Brägen kreegt.

Aktive Paus

Vun 2008 weg könnt de lütteren Kínners sick wat to'n Speeln in de Paus utlehnen.

Eeten un Drinken - de Cafta

All in dat ole Huus weer een Klönstuuv inricht, wo dat wat to eeten un drinken geev. Vun dat niegdüütsche Cafeterie keem denn de Utdruck Cafta. Un dat niege Huus hett nu een gröttere Cafta.

Logo: de Voss

De School hett een Logo, wat een Voss wiest. Dat kümmt dorvun, dat Neu Wulmstorf up platt Vosshusen heet, sünnerlich de Deel, woneem hüüt dat Gymnasium steiht.

Weblinks

• De ole Sied (hoochdüütsch)
• De niege Sied (hoochdüütsch)