26P/Grigg-Skjellerup
| 26P/Grigg-Skjellerup | |
 | |
| Egenschoppen vun’n Orbit (Simulatschoon) | |
|---|---|
| Orbitklass | kortperioodsch |
| Grote Halfass | 3,017 AE |
| Perihel — Aphel | 1,086 — 4,949 AE |
| Bahnexzentrizität | 0,640 |
| Bahnnegen gegen de Ekliptik | 22,424 ° |
| Ümlooptiet | 5,24 a |
| middlere Bahnsnelligkeit | 38,48 km/s |
| Physikaalsch Egenschoppen | |
| Dörmeter | 2,6 km |
| Periheldörgang | 6. Juli 2013 |
| Historie | |
| opdeckt vun | John Grigg John Francis Skjellerup |
| an’n | 23. Juli 1902 |
| in | Neeseeland |
26P/Grigg-Skjellerup is en kortperioodschen Komeet, de eerstmols an’n 23. Juli 1902 vun den neeseelännschen Schoolmeester John Grigg opdeckt worrn is. De Komeet weer twüschendör verloren gahn, is denn aver in’n Mai 1922 vun den austraalschen Telegrafentechniker John Francis Skjellerup in Süüdafrika nee opdeckt worrn. De Komeet driggt dorüm de Naams vun beide Beobachters.
In’t Johr 1992 weer de Komeet as tweet Teel vun de Ruumsond Giotto anstüert, de em dormols in en Afstand vun blots 200 km passeert hett. Liekers sünd dorbi keen Biller vun den Komeet tostannen kamen, vun wegen dat de Sond bi ehr Hööftopgaav – de Ünnersöken vun den Komeet Halley – to veel Schaden afkregen harr.
Grigg-SKjellerup is de Born vun de Pi-Puppiden. Dat is Meteorstroom, de op de süüdlichen Halfkugel vun de Eer so üm den 23. April rüm to sehn is. Stoffpartikels vun dissen Meteorstroom sünd in’t Johr 2003 op de Eer opfungen worrn. Bi de Analyys weer en nee Mineral opdeckt, dat to Ehren vun den Astronom un Planetenforscher Donald E. Brownlee den Naam Brownleeit kregen hett.