Griphenberg

Vun Wikipedia
(wiederwiest vun Greifenberg in Pommern)
Stadtflagg

Griphenberg (ok Griphenberch) oder Griepenbarg (poolsch Gryfice, hoochdüütsch Greifenberg in Pommern) is een Stadt in de Gemeen Griphenberg in den Noordwesten vun Polen, in de Woiwodschop Westpommern. De Fläch vun de Gemeen is 261,30 km². Hüdigendags (2021) leevt dor 15.728 Inwahners. De Börgermeester heet Andrzej Szczygieł.

De Stadt liggt in't Daal vun den Stroom Rega, 22 km vun de Oostsee, in de Powiat Gryficki (Landkreis Griphenberg). De Ooltstadt steiht ünner Denkmaalschuul. Dor leven in't Johr 2014 19.898 Inwahners up Fläch vun 12,4 km². Griphenberg hett twee Parks: Den Stadtpark un den Wooldpark. Tosamen mit de Rega deelt de Parks de Stadt in twee Delen. Griphenberg hett een Bezirksgericht. De Stadt hett een Orthodoxe Kark, een Gemeen vun de Tüügen Jehovas un een Nieapostoolsche Kark. In Griphenberg leevt ok en düütsche Minnerheit. Dat gifft dat Radio Plus Gryfice.

Historie[ännern | Bornkood ännern]

Griphenberg kreeg 1262 de Stadtrechten nah Lübisch Recht. In't 14. Johrhunnert höör Griphenberg to de Hanse mit to. Se leeg in Hinnerpommern. 1648 keem Greifenberg dörch den Westfäälschen Freden to Brannenborg-Preußen. Vun 1723 an höör de Stadt to'n Landkreis Greifenberg i. Pom.. In't 18. Johrhunnert wurr de Stadt in den Söbenjohrigen Krieg dreemol vun de Soldaten vun de Kaiserin Elisabeth von Russland besett. 1882 kreeg Griphenberg en Iesenbahnverbinnen dörch de Lien Altdamm-Kolbarg. Vör den Tweeten Weltkrieg harr Griphenberg een evangeelsche Mehrheit, man ook en Synagoog un en jöödschen Karkhoff. Vun 1816 bet 1945 höör Griphenberg to de Provinz Pommern, bit 1938 in den Regerensbezirk Stettin, danoh to'n Regerensbezirk Köslin. In'n März 1945 is Griphenberg dörch de Rode Armee innahmen wurrn un höör vun 1945–1998 höör to de Woiwodschop Stettin. 1982 is en Krankenhuus feerdig stellt wurrn.

Partnerstäder[ännern | Bornkood ännern]