Graukopp-Kapgoos

Vun Wikipedia
Zur Navigation springen Zur Suche springen
Graukopp-Kapgoos
Seken vun de Graukopp-Kapgoos (Tadorna cana)
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Aantenvagels (Anatidae)
Ünnerfamilie: Halfgöse (Tadorninae)
Tribus: Echte Halfgöse (Tadornini)
Geslecht: Buntgöse (Tadorna)
Oort: Graukopp-Kapgoos
Wetenschoplich Naam
Tadorna cana
Gmelin 1789

De Graukopp-Kapgoos (Tadorna cana) is en Vagel, de to de Halfgöse rekent warrt. Dor höört se to de Echten Halfgöse, un dor wedder to de Buntgöse to. Verwannt is se mit de Rostgoos un mit de Bargaante.De wetenschoppliche Naam vun düsse Aart is to'n eersten Mol 1789 rutgahn laten vun Gmelin.

Kennteken[ännern | Bornkood ännern]

Düsse Halfgoos sleiht na de gewöhnliche Rostgoos, mit ehr Längde vun bi 64 cm un datsülvige kaneelbruune Fedderkleed. Wenn se fleegt, laat de Vagels up de Flunken en Muster in'n Wessel vun witt, swatt un gröön sehn. Upfallen deit de griese Kopp un Nacken bi en utwussen Ganner. De Goos hett en witten Kopp um de Ogen rum, man boven up un an'n Nacken is se gries.

Wo se vörkamen un leven deit[ännern | Bornkood ännern]

Düsse Aart leevt in den Süden vun Afrika, sunnerlich in Süüdafrika un Namibia. Dor leevt se up open Landschop in de Gemarken vun Meere un Ströme. In de Tied vun November bit Dezember fluggt se in korten Afstand na Rebeeden mit deep Water, wo se in Gruppen vun 400 bit 5.000 Vagels tohopenkaamt, um to ruden.

IUCN-Status[ännern | Bornkood ännern]

Up de Rode List vun den IUCN steiht de Kapgoos unner den Status vun „gor keen Sorgen“. Vunwegen, datt se in en groot Rebeed vörkamen deit, is de Chance to'n Utstarven buten de Maten ring. Dat warrt sogor annahmen, datt de Tahl vun de Kapgöse grötter warrt.

Weblenken[ännern | Bornkood ännern]

Commons-logo.svg Graukopp-Kapgoos. Mehr Biller, Videos oder Audiodateien to’t Thema gifft dat bi Wikimedia Commons.