Gootje

Vun Wikipedia
Zur Navigation springen Zur Suche springen

Gootje is een plattdüütschen Vörnaam for Jungs.

Herkamen[ännern | Bornkood ännern]

De Naam is een plattdüütsche Form vun den düütschen Naamen Gottfried. Düsse Naam stammt ut de Germanen ehr Spraak. Dor sett sik de Naam tosomen ut de beiden Delen Gott (Gott) un Fridu (Schutz, Schuul). Dat bedutt denn, datt Gott een Schutz is, besunners in'n Krieg un Striet.

De plattdüütsche Naam[ännern | Bornkood ännern]

Just so, as de hoochdütschen Naams Golo un Götz is Gootje een korte Form vun den Naam Gottfried. Toeerst mal is ut düssen Naam de korte Form Godo vun maakt wurrn. Dat -je an't Enn is woll as een Anbacksel (Suffix) antosehn, wat de Saak lütter maakt (Diminutiv). Ut Godo is denn Goodje oder Gootje wurrn. Gootje heet denn so veel, as Lütt Godo oder Lütt Gottfried. Kiek ok nah bi de List vun plattdüütsche Vörnaams.

Fundöörd[ännern | Bornkood ännern]

De Vadder vun den beröhmten Bremer Prediger un Theologen Gottfried Menken heet Gootje Menken. He weer Koopmann in Bremen. Gottfried Menken is 1768 boren.

Kiek ok bi[ännern | Bornkood ännern]

Weblenken[ännern | Bornkood ännern]

  • Wofaken un woneem de Vörnaam in Düütschland vörkummt: Gootje