Goliathkävers

Vun Wikipedia
Zur Navigation springen Zur Suche springen
Goliathkävers
Goliathkäver (Goliathus regius)
Systematik
Klass: Insekten (Insecta)
Ornen: Kävers (Coleoptera)
Ünnerornen: Polyphaga
Familie: Scarabäuskävers (Scarabaeidae)
Ünnerfamilie: Rosenkävers (Cetoniinae)
Tribus: Goliathini
Geslecht: Goliathkävers (Goliathus)
Wetenschoplich Naam
Goliathus
Linnaeus 1771

Bi Goliathkävers (Goliathus) hannelt sik dat um en Geslecht ut de Ünnerfamilie vun de Rosenkävers (Cetoniinae).

Goliathkävers köönt bet to teihn Zentimeter lang warrn. De Klöör vun’n Chitin-Panzer ännert sik vun Käver to Käver. Welke Aarden sünd witt mit swart Gittermunster op de Flögeldecken un en poor swarte Placken un Striepen op’n Lief. Welke hebbt ok düüster rootbrune Flögeldecken. De Lief is swart mit en poor dünne witte Langsstriepen. Op’n Kopp hefft se en lütten Foortsatz, op den dat Heken en gavelt Hoorn sitten hett. De Föhlers sünd kort un sünd an’t Enn en beten dicker.

De Kävers leevt in West- un Zentralafrika in de Regenwoolden un Savannen. De Deerter, de mehrst in’e Nacht aktiv sünd, sitt mehrst op de Stämm un Telgen vun de Bööm, vun de ehr Sapp se suupt. De Kävers bringt bet to 110 Gramm op de Waag un höört dormit to de swoorsten Insekten op de Eer. De Kävers sünd bi Sammlers begehrt un dorüm temlich düer. De Larven warrt bet to föffteihn Zentimeters lang. Se leevt vun dood Holt.

Systematik[ännern | Bornkood ännern]

Mank de Goliathkävers gifft dat fiev Aarden, de hefft denn to'n Deel noch allerhand verscheden Unneraarden un Formen.