Go

Vun Wikipedia
Wesseln na: Navigatschoon, Söök

Disambig.svg Dit Woort hett noch annere Bedüden: kiek dorför ünner Go (Mehrdüdig Begreep).

De Goe so bi 1000 rüm (sassesche Goe in orange)

Dat Go (latiensch pagus oder comitatus) weer bi de Germanen in ole Tieden en Bezirk oder Landschop. Ganz groff harr en Go so de Grött von en hüdigen Landkreis. Kunn aver ok grötter oder lüttjer wesen. De Grenzen hebbt sik faken na landschopliche Grenzen richt (Woolden, Bargen, Strööm), deelwies aver ok na Stamm- oder Sippengrenzen.

So’n Go harr in dat Fränksche Riek denn en Gogreven as Baas. De Gogreve weer ok de Baas von dat Goding. Mit dat 10. un 11. Johrhunnert hebbt de Goe denn so bilütten jemehr Bedüden verloren. In de olen sasseschen Rebeden hebbt de Goe vondaag blot noch histoorsch Bedüden. In Süüddüütschland dorgegen gifft dat ok nu noch vele Landschoppen, de ünner jemehr olen Gonaam kennt sünd.

De Natschonalsozialisten hebbt den olen Begreep denn wedder opleven laten un dat Düütsche Riek in Rieksgaue indeelt. Mit de olen Goe harrn de aver - von’n Naam afsehn - nich veel to doon.