Gilmore Hinkson

Vun Wikipedia
Zur Navigation springen Zur Suche springen

Gilmore Compton Hinkson (* 22. Oktober 1918 in Belize-Stadt; † 30. März 2000 in New Orleans, Louisiana, USA) weer en Sportfunkschonär ut Belize.

Hinkson is 1918 in Belize-Stadt as Söhn von Ethel Fairweather un Reginald Hinkson boren.[1] He hett in junge Johren Cricket, Football un Softball speelt un harr den Ökelnaam „Wire“.

Na siene aktive Tied as Sportler weer he Generaalsekretär von de British Honduras Amateur Football Association un de British Honduras Olympic and Commonwealth Games Association, dat Natschonale Olympische Komitee von Brietsch-Honduras.

Bi de Olympischen Sommerspelen 1972 weer he de Fahnendreger för sien Land (Fahnendregers för Belize).

De Belize Olympic and Commonwealth Games Association gifft siet 2013 em to Ehren de Gilmore Hinkson Fair Play Trophy ut.

He weer Kumpaniefeldwebel in de British Honduran Volunteer Guard un hett ok för de Lykes Brothers Steamship Company arbeidt.

Hinkson hett 1947 Alma Gibson Hinkson freet, de üm 1994 rüm doodbleven is. In twete Eh weer he denn mit Elsie Moody Hinkson verheiraadt un hett toletzt in New Orleans leevt.[1] He harr veer Kinner.[1]

Footnoten[ännern | Bornkood ännern]

  1. a b c Obituaries Orleans Parish Louisiana