Giancarlo Bercellino

Vun Wikipedia
Zur Navigation springen Zur Suche springen

Giancarlo "Berceroccia" Bercellino (* 9. Oktober 1941 in Gattinara, VC, Italien) is en ehmalger italieensch Footballspeler.

Bercellino, ok as Bercellino I bekannt, speel wiels sien aktiv Loopbahn in de Afwehr. Tosommen mit Ernesto Càstano bill he in de 1960er–Johren en legendär Binnenverteidigerduo bi Juventus Turin.

Karriere[ännern | Bornkood ännern]

In’ Vereen[ännern | Bornkood ännern]

Giancarlo Bercellino fung sien Karriere in de Saison 1960/61 bi Alessandria an. 1961 wessel he to Juventus Turin, wo he bit 1969 speel un lang Tiet Stammspeler in de Afwehr weer. Bercellino hett mit „Juve“ in de Saison 1964/65 de Coppa Italia un 1966/67 de italieensch Meesterschap wunnen. Insgesamt hett he 202 Partien för Juventus maakt un dorbi 14 Doren schaaten. 1969 wessel he to Brescia Calcio, wo he bit 1970 speelt hett.

In de Natschonalmannschap[ännern | Bornkood ännern]

Sien Debüt in de italieensch Footballnatschonalmannschap geev Giancarlo Bercellino an’ 1. Mai 1965 bi en 4:1 in dat Speel tegen de Mannschap ut Wales. Nah dree Partien in dat Johr Jahr 1967 wurr he in de Kader vun Italien för de Football-Europameesterschap 1968 in dat eegen Land beropen. Dor keem he denn ok in dat Halffinalspeel tegen de Mannschap ut de Sowjetunion to’n Insatz un kunn so letztlich den Europameestertitel fiern. Dat weer denn aber ok dat letzte vun söss Lännerspelen för de Azzurri.

Erfolge[ännern | Bornkood ännern]

  • Coppa Italia: 1964/65
  • Italieensch Meester: Serie A 1966/67
  • Europameester: 1968

Weblenken[ännern | Bornkood ännern]