Gerontokratie
Gerontokratie is en Form vun Herrschop un Regeern. De Naam kümm tut de Greeksche Sprake vun de Wöör Geros (old) un kratein (regeern) un bedutt so veel, as Regeern dör ole Lüde (Kiek ok bi Gerusia). Dor kann een sik en Raat vun Öllerlüde bi vörstellen. In ene Gerontokratie hefft de Olen dat Seggen.
Sowjetunion
[ännern | Bornkood ännern]Dat Woort warrt ok, en beten to'n Spott, bruukt för de laten Johren vun de Sowjetunion, as een olen Mann up den annern folgt is as Generalsekretär vun de Kommunistische Partei. Dormols seten up al Slötelpositschonen vun de Macht in de Regeern un dor umto man bloß ole Mannslüde. Eerst, as Michail Gorbatschow keem, weer dat dor denn mit to Enne.