George Wald

Vun Wikipedia
George Wald, 1987

George Wald (* 18. November 1906 in New York, USA; † 12. April 1997 in Cambridge, Massachusetts, USA) weer en US-amerikaansch Physioloog un kreeg den Nobelpries för Physiologie oder Medizin.

1927 kreeg Wald sien Bachelor an dat Washington Square College vun de New York University un 1932 sien Doktertitel (Ph.D) in Zoologie an de Columbia University. Ansluutend folgten Forschungsupenhollen bi Otto Warburg in Berlin, bi Paul Karrer in Zürich un bi Otto Fritz Meyerhof in Heidelbarg. As Jööd muss he 1933 wegen de Machtgriepen vun de Natschonalsozialisten Düütschland verlaaten. He keem denn tonächst an de University of Chicago, dornah 1934 an de Harvard University. Dor wurr he later Perfesser. 1950 wurr he to’n Liddmaat vun de National Academy of Sciences wählt.

Wald kreeg 1953 den Albert Lasker Award for Basic Medical Research un 1967 gemeensam mit Ragnar Granit un Haldan Keffer Hartline den Nobelpries för Physiologie oder Medizin för de Ünnersöken vun de physiologischen un chemischen Sehvörgänge in’ Oog.

Hüm gelung ünner anner dat Entslöteln vun de Funktschoon vun Vitamin A (Opdecken vun Vitamin A1 = Retinol un Vitamin A2 = Dehydroretinol in de Retina) un vun dat Sehpurpur oder Rhodopsin in den Stäbchen vun de Retina.

Privates[ännern | Bornkood ännern]

George Wald weer tweemal verheiraadt un harr all tosommen dree Söhns.

Weblenken[ännern | Bornkood ännern]