George Fitzgerald Smoot III

Vun Wikipedia
Wesseln na: Navigatschoon, Söök
George Smoot up de POVO-Konferenz, Venlo, Nedderlannen
George Smoot fiert den Gewinn vun den Nobelpries (Lawrence Berkeley National Laboratory, 3. Oktober 2006)
Temperaturswankungen in de Achtergrundstrahlung upnommen dör den Satelliten COBE (Mission: 1989–1993)

George Fitzgerald Smoot III (* 20. Februar 1945 in Yukon, Florida) is en US-amerikaansch Astrophysiker un Nobelpriesdräger.

Leven[ännern | Bornkood ännern]

Smoot wurr an' 20. Februar 1945 as öldst vun twee Kinner vun en Schoolmeestersche un en Hydroloog boren.1966 hett he an dat Massachusetts Institute of Technology en Bachelor of Science in Mathematik un Physik maakt un hett 1970 ok dor sien Dokterarbeit in den Beriek Deelkenphysik över den Zerfall vun subatomarer Elementardeelken fardigstellt. Wiel up dat Rebeet vun de Deelkenphysik to disse Tiet völ Wetenschapler forschen deen, hett he sück dorför entscheedt, to dat weniger frequenteert Forschungsrebeet vun de Kosmologie to wesseln. In dat sülvig Johr wessel he in den Arbeitskreis vun den Nobelpriesdräger Luis Walter Alvarez an de University of California in Berkeley. Dor hett he in dat Lawrence Berkeley Laboratory an dat NASA-Projekt HAPPE (High-Altitude Particle Physics Experiment, Experiment to de Deelkenphysik in groot Hööcht) arbeit mit dat Teel en Experiment to maken, dat Belege för de Oorknalltheorie leefern kann.[1]

COBE[ännern | Bornkood ännern]

1976 hett de NASA beslooten en Satelliten to bauen, de in de Laag ween sull de kosmisch Achtergrundstrahlung vun dat All to meeten. Ünner de Wetenschapler, de to dat Projet bidragen hemm, weer ok George Smoot, de mit sien Arbeitsgrupp en Detektor, en Differentielles Mikrowellenradiometer (Differential microwave radiometer, DMR) entwickeln dee, dat in de Laag weer Anisotropien in' Mikrowellenachtergrund to meeten. An' 18. November 1989 wurr de Satellit COBE, utrüst mit dissen Detektor as ok mit Instrumenten vun de Arbeitsgruppen vun John Cromwell Mather un Mike Hauser, mit en Delta-Drägerrakete in de Eerdumloopbahn schaaten. .

Dat DMR vun Smoot hett etwa veer Johr lang Daten to de Anisotropie vun de kosmisch Achtergrundstrahlung in' Mikrowellenberiek sammelt, so daat dat gelung en vullständige Koort vun dit Phänomen uptostellen (kiek Bild). Disse Mikrowellenachtergrundstrahlung gellt as en Oort Eche vun den Oorknall. De Intensitätsswankungen laaten Rückslüsse up Dichtswankungen kört nah dat Entstahn vun dat Universum to. Man nimmt an, dat jüst disse Dichtswankungen Oorsaak för dat hüüdig Utsehn vun dat All is, mit sien Galaxienhoopen un riesig Regionen vun wiet Leere.[2].

Smoot wurr 2006 tosommen mit John Cromwell Mather mit den Nobelpries för Physik för de Bestätigung, dat dat Spektrum vun de Achtergrundgrundstrahlung den Planckschen Strahlungsgeset vun en swaart Körper gehorcht un de Opdecken vun de Anisotropie vun den kosmischen Mikrowellenachtergrund (for their discovery of the blackbody form and anisotropy of the cosmic microwave background radiation) uttekent.

Trivia[ännern | Bornkood ännern]

Smoot harr 2009 en Gastupträe in de anseggt US-amerikaaansch Comedyserie The Big Bang Theory (Folge 2x17), den he angevlich as Fan vun disse Serie up eegen Andrieven kreeg.

An' 18. September 2009 weer Smoot Kandidat in de US-Gameshow Are you smarter than a 5th Grader? un wunn een Million Dollar. He weer de tweete Kandidat, de dat schafft hett.

Enkeld Nahwiesen[ännern | Bornkood ännern]

  1. Biografie vun George F. Smoot
  2. G. F. Smoot: COBE: New sky maps of the early universe. In: Astrophysics and Space Science Library. Band 169, 1991, S. 281–294, doi:10.1007/978-94-011-3410-1_44.

Literatur[ännern | Bornkood ännern]

  • Angelica de Oliveira-Costa und George F. Smoot: Does COBE rule out a toroidal Universe? In: Nuclear Physics B, Proceedings Supplements. Band 43, 1995, S. 299–302, doi:10.1016/0920-5632(95)00495-U.
  • George F. Smoot: COBE observations of the cosmic background. In: Frontiers Science Series. Band 8, 1994, S. 115–136.

Weblenken[ännern | Bornkood ännern]

Commons-logo.svg George Smoot. Mehr Biller, Videos oder Audiodateien to’t Thema gifft dat bi Wikimedia Commons.