Georg Friedrich Francke

Vun Wikipedia
Zur Navigation springen Zur Suche springen

Georg Friedrich Francke (* 30. Dezember 1810 in Lümborg; † 21. August 1894 in Lauterberg) weer en düütschen Jurist.

Francke is 1810 as Söhn von en Bookholler bi de Salien Lümborg in Lümborg boren un weer later op dat Collegium Carolinum in Bruunswiek. He hett 1829 anfungen, an de Universität Göttingen Juristeree to studeren. 1832 hett he dor sien Dokter maakt un is denn Avkaat in Lümborg worrn.

He is 1839 Magistratsassesser un 1847 Stadtrichter in Horborg worrn. Dat is he bet 30. September 1852 bleven. He weer ok bi dat Oberamtsgericht Celle. He weer 1848/1849 as Deputeerten för Horborg in’n Staatsraad von Hannover un is dor 1848 Viezpräsident worrn. Later weer he ok noch länger Maat von’n Staatsraad. Nadem de Stadtgerichten oplööst worrn sünd, is he 1852 Obergerichtsviezdirekter bi dat Obergericht Stood worrn, aver al 1855 as Obergerichtsraad an dat Obergericht Ostroe straafversett worrn, as he sik gegen de Regerung wennt harr, de de Reformen von 1848 wedder trüggännern wull. 1859 keem he as Obergerichtsviezdirekter an dat Obergericht Lümborg. 1863 is he as Oberjustizraad bi dat Justizministerium anfungen un is dor 1865 Generalsekretär worrn. 1867 güng he as Obergerichtsviezdirekter an dat Obergericht Hannover un 1868 as Viezpräsident an dat Appellationsgericht Celle. Von 1874 bet 1879 weer he dor Präsident. 1879 is he in Rohstand gahn.

He hett de Tiedschrift Zeitschrift für hannoversches Recht mit rutgeven.

Warken[ännern | Bornkood ännern]

  • Sammlung der Entscheidungen des Oberappellations-, dann Appellations-, jetzt Oberlandes-Gerichts in Celle, welche im Gebiete des Hannoverschen Partikularrechts (mit Ausschluß des Bauernrechts) in der Zeit von 1860 bis 1880 ergangen sind. Capaun-Karlowa, Celle 1881
  • Der Lüneburgsche sogenannte Prälatenkrieg. in: Fünfter und sechster Jahresbericht des Museumsvereins für das Fürstentum Lüneburg 1882-1883. Lümborg 1884, Sied 1-3