Gene Cherico
Eugene Valentino „Gene“ Cherico (* 15. April 1935 in Buffalo, New York; † 12. August 1994 in Santa Monica, Kalifornien) weer en US-amerikaansch Jazz-Bassist.
Leven
[ännern | Bornkood ännern]Cherico fung an as Slagtüüchspeler, wessel aber denn up den Bass, as he dat Speel up dat Instrument as Therapie vun en Verletzung dör en Iesenbahnunfall während sien Militärtiet lernt hett. He studeer an dat Berklee College of Music in Boston, wo he de Pianistin Toshiko Akiyoshi kennenlernt hett, mit de he dornah faken tosommenarbeit hett, so bi hör Birdland-Upträe 1961 mit Charlie Mariano un hör Candid-Album Toshiko-Mariano Quartet.
He speel denn van 1957 bit 1959 in de Band vun Herb Pomeroy. In de 1960er Johren hett he ünner annern mit Gary Burton, Paul Desmond/Jim Hall, Maynard Ferguson, Red Norvo, Benny Goodman, George Shearing, Stan Getz (Getz/Gilberto, 1964 un Nobody Else But Me, 1965), Peggy Lee, Carmen McRae un Peter Nero (1966–1970) arbeit.
In de 1970er Johren gung he mit Frank Sinatra un Nancy Wilson up Tournee, hett mit Frank Strazzeri (1973, 1975), Louie Bellson, Lew Tabackin, Gerry Mulligan (1974), un Akiyoshi arbeit. Ansonsten weer he vör allen as Studiomusiker in Los Angeles un ok as Komponist tätig; so schreev he Deelen vun de Filmmusik vun Rod Serlings Serie Night Gallery. 1973 is he mit Terry Gibbs up dat Concord-Festival uptreden. Midden vun de 1980er wark he noch bi Upnahmen vun Bill Perkins mit. Denn hett hüm aber en Erkrankung an de Non-Hodgkin-Lymphom to de Upgaav vun de Musikerkarriere dwungen, bevör he in‘ August 1994 storven is.
Born
[ännern | Bornkood ännern]- Bielefelder Katalog 1988 & 2002
- Richard Cook & Brian Morton: The Penguin Guide to Jazz Recordings, 8th Edition, London, Penguin, 2006 ISBN 0-141-02327-9
- Leonard Feather and Ira Gitler, The Biographical Encyclopedia of Jazz. Oxford/New York, 1999, ISBN 978-0-19-532000-8