Friedrich von Buddenbrock

Vun Wikipedia
Zur Navigation springen Zur Suche springen

Baron Friedrich Wilhelm Alexander von Buddenbrock (* 17. Januar 1815 in Wehlau; † 8. Dezember 1894 in Berlin) weer en düütschen Offzeer in de Prüüßsche Armee.

Von Buddenbrock is 1815 as Söhn von Amalie Wilhelmine Sophie, borene von Heister (5. Januar 1791–21. März 1868), un den prüüßschen Offzeer Hans Wilhelm Leopold von Buddenbrock (14. Februar 1782–10. Dezember 1869) in Wehlau in Oostprüßen boren.[1] He is in dat Kadettenkorps utbillt worrn.[2] An’n 7. August 1832 is he as Seconde-Leutnant in dat 21. Infanterie-Regiment anstellt worrn.[2] An’n 10. August 1839 is he för een Johr in’n Deenst von de 1. Artillerie-Brigaad wesselt.[2] He is an’n 24. August 1848 Premier-Leutnant worrn, an’n 22. Juni 1852 Hauptmann 3. Klass un an’n 14. Juni 1859 Major överhen.[2] As Major överhen is he an’n 25. Juli 1859 an dat 3. Batalljoon von dat nee billte 14. Landwehr-Regiment aggregeert un mit dat Leid över dat Batalljoon beopdragt worrn.[2] An’n 8. Mai 1860 is he as Föhrer von dat Füsilier-Batalljoon in dat 14. komb. Infanterie-Regiment kummandeert un an’n 1. Juli ok in dat Regiment versett worrn.[2]

He hett an’n 25. Juni 1864 den Rang von en Oberstleutnant kregen un an’n 20. September 1866 von en Oberst.[2]

An’n 30. Oktober 1866 hett he as Kummandör dat Leid över dat Infanterie-Regiment Nr. 75 övernahmen, dat na de Annekschoon von dat Königriek Hannover dör Prüßen nee billt worrn is.[2] Dat Leid hett he bet to’n 17. Juli 1870 behollen, as he Kummandör von de 1. Landwehr-Brigaad worrn is.[2] An’n 18. Januar 1871 kreeg he den Rang von en Generalmajor un hett an’n 20. März 1871 as Kummandör dat Leid över de 59. Infanterie-Brigaad övernahmen.[2] An’n 13. April 1872 is von Buddenbrock in Rohstand gahn.[2]

Von Buddenbrock weer bi dat Dalslahn von’n Grootpoolschen Opstand 1848, in’n Krieg von 1866 un in’n Düütsch-Franzööschen Krieg 1870/1871 an aktive Gefechten bedeligt.[2]

He hett an’n 28. April 1841 in Stargard Caroline Albertine Amalie von Schöning (25. März 1821–18. Januar 1896) freet.[1] De beiden harrn de Kinner Adele Joachime Leopoldine Karoline (* 30. Juli 1842), Adalbert Moritz Friedrich Wilhelm (3. Mai 1845–26. Oktober 1922), Paul Karl Gustav (11. September 1848–6. August 1853), Erich Kurt Wilhelm (21. September 1850–7. Dezember 1905), Elisabeth Sophie Helene (* 19. Dezember 1854) un Friedrich Wilhelm von Buddenbrock (31. August 1859–9. März 1944).[1]

Footnoten[ännern | Bornkood ännern]

  1. a b c Armigerous Descents
  2. a b c d e f g h i j k l Hermann Konrad Eggers: Offizier-Stammrollen des Königlich Preußischen 1. Hanseatischen Infanterie Regiments No. 75 1866–1897. J. Behrens, Bremen 1897, Sied 5