Friedrich Wilhelm von Westfalen
Friedrich Wilhelm von Westfalen (* 5. April 1727 in Patterbuorn; † 6. Januar 1789 in Hilmssen) weer Förstbischop von Hilmssen un Patterbuorn.
Leven[ännern | Bornkood ännern]
Von Westfalen is 1727 in Patterbuorn boren. 1757 weer he in dat Doomkapittel von Patterbuorn Doomkellner. An’n 7. Februar 1763 is he as Bischop von Hilmssen wählt worrn un an’n 23. Oktober hett sien Unkel, de Patterbuorner Förstbischop Wilhelm Anton von der Asseburg em in’n Hilmsser Doom wieht. An’n 1. März 1773 is he in Patterbuorn Koadjutor mit dat Nafolg-Recht worrn. Tosätzlich is he 1775 as Apostoolschen Vikar von dat Apostoolsche Vikariat von’n Noorden ernannt worrn. Mit’n Dood von sien Unkel an’n 26. Dezember 1782 kreeg he dat Amt as Bischop von Patterbuorn, dat he 1783 denn offiziell in Besitt nahmen hett.
De Bischop hett en Reeg Reformen dörföhrt, ünner annern in dat Schoolwesen un in de Bueree. De Borg Poppenborg in Borgstemmen hett he ümboon laten. Ut dat Palais von de Borg, de vördem maal as Brohuus bruukt worrn is, hett he en kathoolsche Kark maken laten. De Dören von dat Gebüüd wiest vondaag noch de Johrstall 1785. Ok dat Slott Fürstenberg is in siene Tied anleggt worrn un dat Slott Laer hett sien hüdige Form kregen.
Bischop Friedrich Wilhelm von Westfalen is na sien Dood 1789 in’n Hilmsser Doom begraven worrn.