Friedrich Seebode

Friedrich Seebode (* 27. Juni 1861 in Lehrte; † 22. September 1936 in Uphusen) weer en plattdüütschen Schriever.

Seebode is 1861 in Lehrte boren. He hett de Präparandenanstalt Mittelskark un dat Lehrerseminar Beers besöcht. 1885 is he Schoolmeester in Uphusen worrn un weer dor von 1909 af an Hauptlehrer.

Seebode weer dat ok, de den Tietjenappel as Tofallssamling funnen un in’n Schoolgoorn vermehrt hett. He hett den Appel na’n Geboortsnaam von siene Fro nöömt.

Warken

• Plattdütsche Karkenleeder. Friedrich & Co., Bremen 1924
• Ünnern Ellhoorn. Schünemann, Bremen 1921

Weblenken

• Friedrich Seebode in de PBuB (hoochdüütsch)