Friedrich Levin August von Arentsschildt

Vun Wikipedia
Zur Navigation springen Zur Suche springen

Friedrich Levin August von Arentsschildt (* 12. Juni 1755 in Winsen; † 10. Dezember 1820 in Nuurten) weer en düütschen Offzeer.

Von Arentsschildt is 1755 in Winsen boren. He is 1770 in’n kurhannöverschen Militärdeenst gahn un dor Offzeer worrn.[1] Den Rang von en Leutnant hett 1779 kregen un den von en Hauptmann 1792..[1] 1798 is he Major bi dat 10. Kavallerie-Regiment worrn..[1] As de Franzosen 1803 Hannover innahmen hebbt, is dat hannöversche Militär oplööst worrn. Von Arentsschildt is denn in dat Johr as Major in de King’s German Legion intreden un noch in dat sülve Johr Oberstleutnant worrn..[1] He weer dor Kummandör von dat 1. lichte Draguner-Regiment, dat later dat 1. Husaren-Regiment heten hett. Later weer he Oberst von dat 3. Husaren-Regiment von de King’s German Legion. Mit dat 3. Husaren-Regiment weer he Deel von Wellington sien Armee (ünner annern in de Slachten von Talavera, Fuentes de Oñoro, Salamanca, Vitoria un Toulouse) un hett he de Battle Honours Peninsular, Waterloo un Göhr kregen. As de King’s German Legion 1816 oplööst worrn is, is he von dat Militär von dat nee grünnte Königriek Hannover övernahmen worrn un weer dor Generalmajor un as Oberst Kummandör von dat 3. Husaren-Regiment.

Von Arentsschildt hett an’n 11. Februar 1782 op Hutloh Sophie Margarethe von Marschalck (20. Oktober 1748–9. Februar 1792) freet. De beiden harrn de Kinner Karoline Ulrike (1784–1849), Christiane (1785–1858), Friederike (1787–1869) un Arnold Daniel (22. August 1789–28. Januar 1852). Von Arentsschildt sülvs is 1820 in Nuurten doodbleven un liggt dor op’n Olen Karkhoff begraven. Sien Graffsteen is bewohrt bleven.

Footnoten[ännern | Bornkood ännern]

  1. a b c d British Generals of the Napoleonic Wars 1793-1815: Arentsschildt, Frederick De