Friedrich Carl Heinrich Lodemann

Vun Wikipedia
Zur Navigation springen Zur Suche springen

Friedrich Carl Heinrich Lodemann (* 22. Mai 1801; † 18. Oktober 1869 in Zeven) weer en düütschen Verwaltungsbeamten.

Lodemann is 1801 as Söhn von Marie Dorothea, borene Holtzermann, un Franz Heinrich Lodemann boren. He hett later Juristeree studeert un is na dat Studium in’n hannöverschen Verwaltungsdeenst gahn. 1829 weer he Amtsassesser bi dat Amt Ollenstadt, 1831 bi dat Amt Neehuus un 1835 bi dat Amt Bleikd-Garz. 1837 bet 1838 weer Lodemann as Amtsassesser Verwalter von dat Amt Addelborg un is von dor as Amtsassesser in dat Amt Weener wesselt, wat he bet 1849 weer. Na’n Dood von Amtmann Eduard August Reinbold hett he 1849 övergangswies de Verwaltung von dat Amt Himmelpoorten övernahmen. Dat hett he bet 1852 daan, as Friedrich Christian Marschalck von Bachtenbrock dat Amt övernahmen hett. 1852 is he Amtsrichter von dat Amtsgericht Fambossel worrn, wat he bleven is, bet dat Gericht 1859 wedder oplööst worrn is.

Lodemann hett an’n 9. November 1842 in Zittens Elise Christiane Marie Behn (19. Juli 1819–30. März 1877) freet. De beiden harrn de Kinner Cäcilie (* 13. Juli 1846), Philipp (22. Februar 1848–1. August 1909) un Elisabeth (* 21. August 1856).[1]

Footnoten[ännern | Bornkood ännern]

  1. http://genealogie.eberhard-web.de/getperson.php?personID=I1338&tree=tree1