John Piles Creek

Vun Wikipedia
(wiederwiest vun Freshwater Creek)
Zur Navigation springen Zur Suche springen

Freshwater Creek un John Piles Creek billt tohoop en Waterloop in de Distrikte Orange Walk un Corozal von Belize, de in de Bucht von Chetumal (Golf von Honsduras) münnt.

De Stroom hett en Afströömrebeed von üm un bi 390 km². Von de Button Lagoon bet na de Münn is he Stroom üm un bi 32 Kilometer lang.

Verloop[ännern | Bornkood ännern]

De Freshwater Creek (so heet de Stroom in’n böveren Loop) spiest sik ut dat Water, dat von de Doubloon Bank Savannah, Doubloon Bank Lagoon un Button Lagoon in’n Distrikt Orange Walk dalkummt. De Lagunen liggt üm un bi teihn Kilometer in’n Oosten von de Stadt Orange Walk. Von de Button Lagoon flütt de Stroom na Noordoosten un münnt na üm un bi 15 Kilometer in de Progresso Lagoon, de na’n Oort Progresso an dat Westöver nöömt is. An dat Oostöver liggt Little Belize. Nadem de Stroom de Laguun wedder verlett, heet he nu John Piles Creek. He flütt noch wedder fiev Kilometer na Noordoosten un münnt denn in de Laguna Seca. An dat Westöver von de Laguun liggt de Oort Copper Bank un an dat Süüdoostöver de Oort Chunox.

De 500 Meter brede Laguun verengt sik an de Münn wedder op ünner hunnert Meter. Hier löppt de Fähr von Copper Bank över’n Stroom, bevör de John Piles Creek denn in de Karibische See münnt.


Koordinaten:18° 20′ N, 88° 21′ W