Frentrop

Vun Wikipedia
Zur Navigation springen Zur Suche springen
Essen-Frentrop DEU Frintrop COA.svg
Stadt Essen, Stadtdeel Frentrop en rot
Grööte: 1,96 km²
Enwönner: 8.449 (31.03.2017)
Enwönner op een km²: 4.310
Bezirk: Stadtbezirk IV Borbeck
Postcode: 45359
Telefonvöwahl:: 0201
Autokennteeken:: E

Frentrop (hoogedütsch Essen-Frintrop genäumt) lett am wietessen em Westen van Essen on lett tüschen Essen-Delfken, Essen-Beddingroode on Owerhuusen-Borbeck. Frentrop hät ca. 8.400 Enwönner.

Geschichte[ännern | Bornkood ännern]

Dän Oet Frentrop wett taum e‘eßen Mol en dän Isenberger Vogteirollen öm 1220 as Vrilincdorpe genäupt. Dä Name hät dat oldnederdütsche Woet freier Mann en sick. Genau gliek gebeldet es Essen-Frillendörp, öm 1220 ok Vrilincdorpe, Frentrup en Gladbeck, öm 1220 Vrilincdorpe, on Frentrop en Marl, öm 1150 Frilingthorpe[1].

Frentrop gehören no dä Neeordnung van Europa dörch dän Wiener Kongress em Johr 1815 van doe ahn büss 1915 tau dä Börgemesterei Borbeck. Büss Enne van et 19. Jahrhonnert, as dä Industrialisierung em Ruhrbezirk op volle Touren leip, wooren Frentrop on dä Berick rondöm Burenland. Dä meessen Höve laggen breht verdeelt än derekte Nögde van dän Hellwegg, dat woe en bedüenden Hannelswegg, dä ok öwer Frentrop leif: Dotau gehören dä Burengeschlechter Breukelmann (donno benäuppt dä Strooten Breukelmannnshoff on Breukelmannshang) wie ok Kauke on Knotte. Dä Famillige Knotte schenken ok dat Gronstück fö dän Bau vanne Pfarrkärke St. Josef.

1912 fonn en Frentrop ne Volksafstemmung statt, wo dä Lüe säggen sollen, aff se leiwer no Owerhuusen aff no Essen gehören wollen. Am Enne kom en Deel van Frentrop tesammen met dä Börgermesterei Borbeck taum e‘eßen April 1915 tau dä Stadt Essen. Dobi mussen Frentrop öwer dä Hälfte van sine Fläche (nämmlig 272 Hektar met rond 5.000 Enwönner) an dä Stadt Owerhuusen affgäwen (kiek ok bi Owerhuusen-Borbeck).

Charakter[ännern | Bornkood ännern]

Frentrop van bowen

Dän Stadtdeel konn me grondsetzlich än twe Ebenen onnerdeelen: dat em Volksmond sogenäumpte Owerfrentrop met dä St. Josef-Kärke an dä Stroote Hemmelpforten, on Onnerfrentrop met demm Leoplatz (büs 2008 stonn doe dä Herz-Jesu-Kärke). Bowen on onnen lott sick herleien ut dä Randlage Frentrops an dän Südhang vannet Emschedaal. Van dän Schildberg ut kann me wiet öwer dat Daal kieken, wobbie dä geographisch höchße Högde tüschen Reckstroote on Frentroper Stroote op 87,2 m, on dän deipsten am Schemannsfeld met 36 m ü. M. lätt.

Dat en betschen ländliche on ock minnstädtische Wesen Frentrops es büs van Daage taum godden Deel geblewen. So kann me ok noch Plackes fännen, dä dä Buuren noch beackern daut, on Gräunplackes wie dat Barchembachdaal. An dä wi’e geklo’eten Läppkes Müe’elenbecke steht dä fröhere Läppkes Mü’ele as Deel van dän van Daage so genäumpten Reiterhoff. Süss stond doe völl Hüser fö Een- on Mehrfamiligen.

Verkehr[ännern | Bornkood ännern]

Dä Frentroper Stroote as Deel van dä Bondesstroote 231 välöpp van Südosten no Nordwesten kwä'e dörch Ower- on Onnerfrentrop. Dörch düsse Stroote es dä Stadtdeel ännersiets met dä Aanschlussstelle Winkhausen/Borbeck anne Aktienstroote anne A 40, on annersiets em angrenzenden Owerhuusen anne A 42 on A 516 aangebonnen. Em Personenverkehr Frentrops beien sik dä Strootenbahnlennige 105 on dä Buslennigen 143 on 185 as ok dä Nachtexpress-Lennigen NE11 on NE12 van dä Ruhrbahn aan[2].

Kiek ok[ännern | Bornkood ännern]

Fautnoten[ännern | Bornkood ännern]

  1. Paul Derks: Die Siedlungsnamen der Stadt Essen. Sprachliche und geschichtliche Untersuchungen; in: Beiträge zur Geschichte von Stadt und Stift Essen, Band 100. Hrsg.: Stadt Essen – Historischer Verein für Stadt und Stift Essen. Essen 1985, S. 130–133.
  2. Ruhrbahn GmbH

Weblenks[ännern | Bornkood ännern]

Literatur[ännern | Bornkood ännern]

  • Katholische Pfarrgemeinde Sankt Josef, Frintrop: 100 Jahre in und um St. Josef Essen-Frintrop 1877-1977. Essen 1977.
  • Katholische Pfarrgemeinde Sankt Josef, Frintrop: 125 Jahre St. Josef Essen-Frintrop. Essen 2002.
  • Wulf Mämpel/Kai Süselbeck (Hrsg.): Gesichter einer Stadt. Klartext-Verlag, Essen 2004, ISBN 3-89861-313-5.
  • Veröffentlichungen in der Wochenzeitung Borbecker Nachrichten. Erscheinungsort Essen-Borbeck.
  • Frank Radzicki: Das Postwesen in Frintrop-Fast so alt wie unsere Pfarrei. In: Katholische Pfarrgemeinde St. Josef: Gemeindebrief. 2/2007, Ausgabe Nr. 63, Essen-Frintrop 2007.