Franz Röhrs

Vun Wikipedia
Zur Navigation springen Zur Suche springen

Franz Röhrs (* 6. Februar 1945 in Hanstää) is en düütschen Politiker von de CDU.

Röhrs is 1945 in Hanstää boren. He weer op de Volksschool un hett denn en Lehr in de Bueree maakt un en Fachschool besöcht. Siet 1967 weer he sülvstännig mit en Vehhannel. He is 1970 in de CDU rin. Röhrs weer Maat von’n Biraad bi dat Överlandwark Noord-Hannover, Vörsitter in’n Hannöverschen Veh- un Fleeschverband un Präsident von’n Düütschen Veh- un Fleeschhannelsbund in Bonn. In de Samtgemeen Hanstää is he 1972 Raadsherr worrn un weer dor von 1976 bet 1993 Samtgemeenbörgermeester. 1972 is he ok Afornten von’n Kreisdag von’n Landkreis Horborg worrn un weer dor ünner annern Vörsitter von de CDU-Frakschoon un Viez-Landraad.

Von’n 21. Juni 1990 bet 20. Juni 1994 (12. Wahlperiood) weer he för den Wahlkreis Winsen Maat von’n Landdag von Neddersassen. Bet 1. November 1993 weer he in de CDU-Frakschoon un hett denn to keen Frakschoon mehr höört. 1993 is gegen Röhrs wegen den Verdacht op Tierquäleree un Subventschoonsbedrog ermiddelt worrn. De Verfohrens sünd all instellt worrn. Von de CDU is he för de Landdagswahl 1994 denn aver nich mehr opstellt worrn. Na en Optridd bi en Parteidag von De Republikaners in Rastatt hett de CDU Neddersassen kund daan, dat he ut de Partei rutsmeten warrn schall. Röhrs is denn aver sülvs ut de Partei utpeddt.[1][2]

He is verheiraadt un hett dree Kinner.

Footnoten[ännern | Bornkood ännern]

  1. Zu oft das Nest beschmutzt, DIE ZEIT, 06/1995
  2. Schnuppern und Schmusen. Der Spiegel Nr. 45, 1993, Sied 54 (8. November 1993).