Franz Carl Bollert

Vun Wikipedia
(wiederwiest vun Franz Bollert)
Zur Navigation springen Zur Suche springen

Franz Carl Bollert (* 27. Juni 1836; † 1914[1]) weer en düütschen Verwaltungsbeamten un Politiker.

Bollert is 1836 boren. He hett Juristeree an de Friedrich-Wilhelms-Universität Berlin studeert. 1857 is he Maat von dat Corps Vandalia Berlin worrn.[2] Na dat Studium güng he in’n prüüßschen Staatsdeenst. Von 1863 bet 1864 weer he Regerungsreferendar bi de Regerung in Potsdam un hett 1864 dat Examen as Regerungsassesser bestahn.[3] 1867 hett he as Nafolger von Georg Ludwig Gottfried Maximilian von Engelbrechten övergangswies de Verwaltung von dat Amt Zeven övernahmen, hett aver noch in dat sülve Johr dat Amt as Amtmann von dat Amt Calenberg kregen. De Calenberger Amtmann Franz August Robert von Fumetti is dorför in dat Amt Zeven versett worrn. Bollert is bet 1868 in Calenberg bleven un is denn von 1868 bet 1875 Amtshauptmann von dat Amt Ostroe un Kreishauptmann von’n Kreis Ostroe ween. Na 1875 hett he as Privatier in Muhrau bi Striegau un toletzt in Hirschberg leevt.

Bollert weer 1879 na en Nawahl för den Wahlkreis Breslau 6 (Striegau, Schweidnitz) Maat von dat Prüüßsche Aforntenhuus. Von 1882 bet 1885 weer he noch en tweet Maal för den sülven Wahlkreis in’t Aforntenhuus. He hett dor to de Frakschoon von de Natschonalliberale Partei höört.

Literatur[ännern | Bornkood ännern]

Bernhard Mann: Biographisches Handbuch für das Preußische Abgeordnetenhaus 1867–1918, 1988, S. 75.

Footnoten[ännern | Bornkood ännern]

  1. Kösener Corpslisten 1960, 7, 56
  2. Kösener Korpslisten 1910, 17, 89
  3. Geheimes Staatsarchiv Preußischer Kulturbesitz Bestand I. HA Rep. 125, Nr. 607