Francis Castaing

Vun Wikipedia
Zur Navigation springen Zur Suche springen

Francis Castaing (* 22. April 1959 in Bordeaux) is en ehmalger franzöösch Radrennfohrer.

Francis Castaing weer sowohl up de Bahn as ok up de Straat spoodriek. Noch as Amateur wunn he de Tour de Gironde, in dat Johr dorup is he bi de Olympisch Spelen in 1980 Moskau in dat Straatenrennen antreeden un keem dor up Platz 30.

Ansluutend is he Profi wurrn. Up de Bahn wurr he 1981 franzöösch Meester in' Sprint, 1982 wunn he de natschonalen Titel in dat Punktefohren un wurr Viezmeester in' Sprint.

Dornah hett he sück denn aber mehr up Straatenrennen konzentreert un kunn dor ebenfalls Siege fiern. So wunn he 1981 Paris–Bourges, 1982 den Grand Prix Ouest France, 1986 de Tour de Vendée un belegg tallriek wiedere vördere Plätze bi hochklassig Rennen. Dreemal is he bi de Tour de France antreeden; 1984 keem he as Eerst vun dat Fohrerfeld över den Cormet de Roselend un 1985 kunn he sogor de sösste Deelstreck up sien Naam schrieven. 1988 hett he sien Loopbahn afslooten.

Weblenken[ännern | Bornkood ännern]