Françoise Barré-Sinoussi

Vun Wikipedia
Françoise Barré-Sinoussi

Françoise Barré-Sinoussi (* 30. Juli 1947 in Paris) is en franzöössch Viroloogin, de in dat Johr 2008 tosommen mit Luc Montagnier för hör Arbeiten över dat HI-Virus mit een Hälft vun de Nobelpries för Physiologie oder Medizin uttekend wurr.

Biografie[ännern | Bornkood ännern]

Françoise Barré-Sinoussi is de Dochter vun Roger un Jeanine Sinoussi (b. Fau) un hett hör Abitur an’t Lycée Bergson makt. 1974 hett se an de Faculté des sciences de Paris hör Doktertitel makt un fung 1975 hör wetenschoplich Karriere an’t INSERM an. An’t Pariser Institut Pasteur fung Barré-Sinoussi mit Forschungsarbeiten över Retroviren an. In de Arbeitsgrupp vun Luc Montagnier kunn se 1983 de HI-Virus as Utlöser vun de Krankheit Aids identifizeeren. Barré-Sinoussi, Luc Montagnier un Mitarbeiter harrn ut dat Gewebe vun en Aids-Patienten das Virus isoleert un eerstmal „Lympadenopathie-assoziiertes-Virus“ nömmt.[1] De Verapenlichung to glieker Tiet dör de Grupp vun Robert Charles Gallo föhr to en johrelangen Rechtsstried över de Eerstentdeckung.

1986 wurr Barré-Sinoussi Laborleiterin, 1992 Afdeelensleiterin un 1996 Perfesser un Baas vun de Forschungsgrupp över de Biologie vun Retroviren an’t Institut Pasteur. In mehr as 200 Verapenlichungen un bi mehr as 250 Konferenzen hett sück Françoise Barré-Sinoussi för den Kamp gegen Aids insett. As wetenschaplich Beraderin nehm se an Anti-Aids-Programmen vun de Weltgesundheitsorganisation os ok UN-Programm UNAIDS deel.

Siet den 7. Oktober 1978 is se mit Jean-Claude Barré verheiraadt.

Utteknungen[ännern | Bornkood ännern]

Françoise Barré-Sinoussi kreeg tallriek wetenschaplich Utteknungen, dorünner 1986 den Förderpries för de Europäisch Wetenschap vun de Körber-Stiftung, 1993 den International Preis für Medizin vun de King Faisal Foundation un 2001 den Ehrenpries vun de International AIDS Society. In dat Johr 2006 wurr Barré-Sinoussi to’n Officier de la Légion d’Honneur ernannt.

In’ Oktober 2008 wurr Barré-Sinoussi tosommen mit Luc Montagnier de Hälft vun de Nobelpries för Physiologie oder Medizin tospraken. De anner Hälft vun de Pries gung an den düütschen Virologen Harald zur Hausen.[2]

Enkeld Nahwiesen[ännern | Bornkood ännern]

  1. F. Barre-Sinoussi, J.C. Chermann, F. Rey, M.T. Nugeyre, S. Chamaret, J. Gruest, C. Dauguet, C. Axler-Blin, F. Vezinet-Brun, C. Rouzioux, W. Rozenbaum, und L. Montagnier : Isolation of a T-lymphotropic retrovirus from a patient at risk for acquired immune deficiency syndrome (AIDS) . Science, Vol. 220, Nr. 4599, 20. Mai 1983, S. 868–871.
  2. Pressemitteilung der Nobelstiftung van’ 6. Oktober 2008.

Weblenken[ännern | Bornkood ännern]

Françoise Barré-Sinoussi. Mehr Biller, Videos oder Audiodateien to’t Thema gifft dat bi Wikimedia Commons.