Fraagteken

Vun Wikipedia
Satzteken
Fraagteken ?
Utroopteken !
Streekpunkt ;
Rekenteken
Gliekheitsteken =

Dat Fraagteken (?) is en Satzteken.

Dat Fraagteken in de Schrift[ännern | Bornkood ännern]

Op Platt un ok in velen annern Spraken, de dat latiensche Alphabet bruukt, warrt dat Fraagteken an’t Enn vun en Fraagsatz schreven. Op Spaansch kümmt ok noch en Fraagteken an den Anfang vun en Fraagsatz, blots steiht dat op den Kopp: ¿. Ok de Araabsche Schrift hett en Fraagteken, dor is dat aber an de Schrievricht (vun rechts na links) anpasst un süht so ut: ؟. De greeksche Spraak bruukt dorför en anner Teken, den Streekpunkt (;).

In de mehrsten Spraken mit Latienschrift steiht twischen dat letzte Woort vun en Satz un dat Fraagteken keen Leerteken. För en Textprogramm is dat wichtig, sünst kann dat passeren, dat de Reeg jüstemang vör dat Fraagteken ümbraken warrt. Op Franzöösch mutt en Leerteken sett warrn. Dor mutt een denn den Reekner verkloren, dat dor nich ümbraken warrt.

Oorsprung[ännern | Bornkood ännern]

Dat Fraagteken is toeerst in de Schriftreform vun Karl den Groten opkamen. Sien Funkschoon un Gestalt hett sik aber later noch verännert.

Woans dit Teken herkaamt is nich ganz kloor. Een Theorie meent, dat dat vun dat latiensch Woort Quaestio (=Fraag) afstammt. Dit Woort hebbt se an’t Enn vun en Fraagsatz sett un as Qo afkört. Dorbi hebbt se dat grote Q över dat lütte o schreven un later is dat Fraagteken (?) bi rutsuert. En annere Theorie meent, dat ok an’t Enn vun en Fraagsatz en Punkt weer un dat de Schrievers denn en Bülg (~) doröver sett hebbt, üm de Spraakmelodie vun en Fraag antodüden.

Weblenken[ännern | Bornkood ännern]

Fraagteken. Mehr Biller, Videos oder Audiodateien to’t Thema gifft dat bi Wikimedia Commons.