Flinders Island
Flinders Island is en austraalsch Insel an dat östlich Enn’n vun de Bass-Straat tüschen Tasmanien un dat austraalsch Fastland, de vun etwa 900 Personen bewahnt wurrd (Zensus 2011: 776 Inwahner) . Se is de gröttste Insel vun de Furneaux-Grupp.
Geographie[ännern | Bornkood ännern]
Vun Tasmanien liggt Flinders Island etwa 55 Kilometer Luftlien weg. Rund 20 Kilometer nördlich vun Cape Portland reckt de 1.330 km² groot Insel en Utehnung vun 29 Kilometer Breedt (SW – NO) un 64 Kilometer Längt (NW – SO). De hööchste Punkt is der 756 Meter hooch Mount Strezelecki. De Westen vun dat Eiland is vun felsigen Dünen un lang Stränden präägt, wiels sück an dat östlich Enn’n Lagunenstrände befinnen, de as besünners mui gellen. De südliche Hälft vun de Insel raagt vun Norden ut in de Roaring Forties rin. Wiels de letzt Iestiet weer dat hüdige Eiland Deel vun de Landbrügg tüschen Australien un Tasmanien.
Öörd[ännern | Bornkood ännern]
Up de Insel gifft dat fief Siedlungen: Killiecrankie, Emita, Lady Barron, Cape Barren Island un Whitemark. Whitemark is dat Verwaltenszentrumm vun de Local Government Area Flinders Municipality vun de Furneaux-Grupp un gröttste Oord vun de Insel. In Emita gifft dat en lütt Utstellung mit olt Fotos un Zeitungsutsnitten. An de Oostküst liggen eenige strannd Schippswracks. In‘n Südwesten vun de Insel liggt de Strzelecki-Nationalpark.
Historie[ännern | Bornkood ännern]
Nah dat Enn’n vun de letzt groot Iestiet (Weichseliestiet bzw. Würmiestiet), in de Flinders noch mit Australien un Tasmanien dör Landbrüggen verbunnen weer, weer de Gegend noch vun Minschen besiedelt. Ut nich bekannt Oorsaken is de Bevölkerung dor vör eenig Duusend Johren utstorven. Dorut sluuten eenige Schriever, dat Populatschonen vun wenig Hunnert Minschen up Düer nich autark existeeren kunnen.
Opdeckt wurr Flinders Island ehrder ut Tofall vun Tobias Furneaux, den Kapitän vun James Cook sien Ünnerstüttensschipp, as dat in’n Nevel vun de Endeavour an‘n 19. März 1773 trennt wurr. George Bass un Matthew Flinders hemm de Insel tüschen Oktober 1798 un Juni 1799 mehrfack umfohren. Wiels de Meerengt nah den Schippsdokter Bass nöömt wurr, geev Flinders de Insel hör Naam.
1830 wurr nah de Dörführen vun de so nömmt Black Line vun de britisch Kolonisatoren de letzten 100 Tasmanier in Tasmanien fangensett un nah Flinders Island umsiedelt. Se hemm haapt, dor vör de Verfolgung dör de witt Siedler seker to ween und sünd dorum freewillig mitgahn. Uo de Insel mussen se sück aber en europääsch Levenswies ünnerwerfen, gungen aber mehrheitlich an Depressionen, Alkoholismus un Krankheiten togrund. 1847 hemm noch 47 Tasmanier leevt, de nah Oyster Cove dicht bi Hobart umsiedelt wurrn. De Neebesiedeln vun dat Eiland passeer eerst 1950, as en Militärstüttpunkt up de Insel upricht wurr.
Literatur[ännern | Bornkood ännern]
- Matthew Flinders: Die erste Umsegelung Australiens. Edition Erdmann, 2001, ISBN 3-86503-217-6
Weblinks[ännern | Bornkood ännern]
- Flinders Island Informationen (engelsch)