Flagg vun Trinidad un Tobago

De Flagg vun Trinidad un Tobago is an’n 31. August 1962 offiziell annahmen worrn. Se wiest vör en roden Achtergrund en swarten Balken mit witten Rand de vun links baven schraag na rechts ünnen verlöpt.

Bedüden

In de Natschonalflagg steiht dat Root för de Levenskraft vun’t Land un sien Inwahners, as ok för de Warms un Energie vun de Sünn. Swart steiht för de Eenheit un de Drift vun de Inwahners as ok för den Riekdom vun’t Land. Witt betekent de See, de de Eilannen ümgifft, un wiest op de Reinheit vun’t natschonale Streven hen as ok dorop, dat all Minschen gliek sünd.

Historie

As ehmolige britische Kolonie weer fröher de Blue Ensign bruukt. De weern bit 1962 in’n Insatz. In de Johren is dat Teken aver mehrmols ännert worrn.

De persönliche Flagg vun de britischen Königsche Elizabeth II. warrt nich mehr bruukt, siet Trinidad un Tobago 1976 en Republiek worrn is.

Kolonialflagg, 1889 bit 1958
Persönliche Flagg vun Elisabeth II., 1966 bit 1976

Annere Flaggen vun Trinidad un Tobago

De Hannelsflagg un togliek Deenstflagg to See ünnerscheedt sik vun de Natschonalflagg blots dör de Proportschoon. De Seekriegsflagg baseert op de britische White Ensign, in de as Gösch de Flagg vun Trinidad un Tobago inföögt is.

1:2Hannels- un Deenstflagg to See
1:2Seekriegsflagg