Flagg vun Polen

Vun Wikipedia
Wesseln na: Navigatschoon, Söök
Flagg vun Polen

De Flagg vun Polen wurr an' 1. August 1919 inführt un is siet 1997 as Staatssymbol dör de poolsch Verfaaten regelt. Siet 2004 wurrd in Polen an' 2. Mai en Flaggendag fiert.

Beschrieven[ännern | Bornkood ännern]

Flagg vun Polen in' Wind

De Natschonalflagg vun Polen is en horizontaal tweedeelt Flagg in Witt un Root, wobi de witt Deel baben is. De bi offiziellen Anlaaten bdruukt Staatsflagg wiest todem dat poolsch Staatswappen in de Midden vun den witten Striepen. De root Farvtoon weer nah Inführen vun de Flagg 1919 anfangs nich fastleggt. Eerst 1921 keem dör dat Ministerium för militärische Angelegenheiten de Broschüre „Wappen und Flagge der Republik Polen“ herut, in de Purpurroot fastleggt wurr. 1928 aber bestunn de poolsch Präsident dorup, dat Zinnoberroot de korrekte Farvtoon weer. Disse Farv wurr bit 1980 behollen, bevör dat poolsch Parlament de Farven vun de Flagg an' 31. Januar 1980 nah de Normen vun de Internatschonale Beluchtenskommission up Root fastleggen dee.

Upbau vun de Staatsflagg
Historie vun de Farvgeeven
Purpurroot Zinnoberroot Root Purpurroot 2
#DC143C #FF4D00 #FF0000 #D4213D
 
1919-28 1928-80 anpasst siet 1980

Historie[ännern | Bornkood ännern]

Historisch Bild mit de Flagg vun König Sigismund III.

Siet Anfang vun dat 13. Johrhunnert is de witt Adler dat Symbol vun Polen. In Verbindung mit dat root Wappenschild hett dat de Grundlaag för völ Fahnen un Flaggen vun dat Land un sien Herrscher leggt.

Af 1815 bestunn dat ehmalge Hartogdom Warschau as Kongresspolen in Personalunion mit dat Russischen Riek. Dat wurr ok in de Flagg düütlich. De witt poolsch Adler befunn sück in de Gösch up rooden Grund up en witt Flagg mit dat blau Andreaskrüüz, dat Symbol vun dat zaristisch Russland. Disse Flagg bleev bit 1918 bestahn.

All wiels den Novemberupstand 1830/31 hett Polen de hüüd bekannt witt-root Flagg. Wiels den Januarupstand 1863 hett man noch en Wappen in den witten Striepen inföögt.

De hüüdig Flagg wurr an' 1. August 1919 offiziell inführt. Bi hör Inführen weer se vun de olt tschechoslowaaksch Flagg blots dör dat Siedenverhältnis to ünnerscheeden, letztere wure aber 1920 ännert.

Wiels de düütsch Besetten wiels den Tweeten Weltkrieg hett de Poolsch Heimatarmee de witt-root Flagg ünner Ergänzung vun de so nömmt Kotwica bruukt. Nah den Krieg wurr de olt Natschonalflagg an' 20. März 1956 wedder herstellt.

Wiedere Flaggen up natschonale Ebene[ännern | Bornkood ännern]

Seekriegsflagg

De Staatsflagg deent as Hannels- un Deenstflagg to See un wurrd ok bi de poolsch Botschappen un siet 1990 in den Habens vun dat Land bruukt. In en eerst Version geev de dat all siet 1919. 1927 wurr de Adler verännert un 1956, mit de Wedderinführen vun de natschonalen Symbole vun de Volksrepubliek Polen nah den Tweeten Weltkrieg, de Kroon entfernt. Mit Enn' vun de Diktatur wurr de Kroon weer in dat Staatswappen inföögt un dormit ok in de Staatsflagg.

De sülvig Verännern hett ok de poolsch Seekriegsflagg dörmaakt, de in' Ünnerscheed to de Staatsflagg, en länglicheres Format un en Swolkersteert hett.

De Gösch vun de poolsch Marine wiest den Arm vun en Ridder mit en Schwert up en Tatzenkrüüz. Hülpsscheep führen de Seekriegsflagg in de Gösch vun en blau Flagg. De poolsch Grenzschuul bruukt de Staatsflagg mit en gröön Rahmen.

Eenheiten vun dat poolsch Militär hemm eegen Standarten. Se folgen all dat sülvig Design: En root Tatzenkrüüz up witten Grund un tosätzlich Symbolen.

De Flagg vun den Präsidenten wiest den witten Adler up rooden Grund un witt Ornamenten an' Rand.

Subnatschonale Flaggen vun Polen[ännern | Bornkood ännern]

Woiwodschap Grootpolen

Sowohl de 16 Woiwodschapen, as ok de Landkreise un Gemeenen vun Polen hemm eegen Flaggen, de deelwies up historsch Vörbiller torüchgahn. So stammt de ro-witt Flagg vun Danzig noch ut de Tiet vun de Hanse, wiels de Woiwodschap Oppeln Wappen un Flagg vun Böverslesien as Vörbild övernehm. De Woiwodschap Grootpolen bruukt Wappen un Flagg vun König Przemysław II. (1290 bit 1296).

Literatur[ännern | Bornkood ännern]

Weblenken[ännern | Bornkood ännern]

Commons-logo.svg Flaggen vun Polen. Mehr Biller, Videos oder Audiodateien to’t Thema gifft dat bi Wikimedia Commons.