Flagg vun Niger

Vun Wikipedia
Flagg vun Niger (Format 6:7)

De Flagg vun Niger is an’n 23. November 1959 offiziell inföhrt worrn.

Beschrieven un Bedüden[ännern | Bornkood ännern]

De Flagg besteiht jüst so as de Flagg vun Indien ut dree waagrechte Striepen in Gröön, Witt un Orange, wobi sik de Farvtöön ünnerscheedt. In de Mitt vun’n witten Striepen wiest de Flagg vun Niger en Sünnenschiev in orange.

De Klören hebbt de nafolgen Bedüden:

  • Orange steiht för de Wööst Sahara, de in’n Noorden un Oosten vun’t Land to finnen is.
  • Gröön is en Teken för de Hapen, man ok för de Grasevenen in’n Süüden un in’n Westen.
  • Witt is en Teken för de Unschuld und de „Reinheit un de Natschoon“. Dormit schall ok dat gode Geweten utdrückt warrn vun de Lüüd, de jemehr Plicht gegenöver de Natschoon doon hebbt.

De Sünn in’n middleren Striepen wiest dorophen, dat dat Volk praat is, sik to oppern, wenn dat üm’t Verdeffenderen vun sien Rechten geiht.

De Proportschoon vun de Flagg is nich wennt un man is sik doröver uneens. in de Flaggenverorden Actes du Governement de la Republique du Niger No, 59-1 warrt de Flaggenproportschoon nich regelt un ok nich de Dörmeter vun de Schiev.

Literatur un Weblenken[ännern | Bornkood ännern]