Flagg vun Moldawien

Vun Wikipedia
Zur Navigation springen Zur Suche springen
Flagg vun Moldawien (Vördersiet)

De Flagg vun Moldawien wurr in en Gesett van' 12. Mai 1990 eerstmals fastleggt, noch för de Unafhängigkeit vun dat Land an' 27. August 1991. Nochmals nömmt wurrd se in de Verfaaten van' 29. Juli 1994.

Beschrieven[ännern | Bornkood ännern]

De Flagg is en Trikolore in de Farven blau, geel un root (vun links nah rechts). Dat Siedenverhältnis vun de Hööcht to de Breedt bedrocht 1:2. In de Midden vun de Flagg liggt dat Wappen vun Moldawien, en Adler, de en Schild mit de Afbillen vun en Stier hollt. Der Schild hett en historschen oorsprung un wiest mit den Stier up dat ehmalge Fürstendom Moldau un mit den Adler up Rumänien hen. Vörbild för de Farfwahl weer de Flagg vun Rumänien. Dat Siedenverhältnis folgt sowjeetsch Traditschoon.

De Rücksiet vun de Flagg bild siet 2010 dat Wappen speegelverkehrt af.[1] Dorvör fehl dat Wappen up de Rücksiet.[2]

De Flaggen vun Moldawien un Rumänien wiesen groot Ähnlichkeiten mit de Flaggen vun Andorra un den Tschad up.

Farven[ännern | Bornkood ännern]

Dat Flaggengesett van' 17. September 2010 beschrifft de Farven vun de Flagg för verscheeden Systeme.[1]

System Berlin Blau Chromgeel Vermion-Root Bruun (in dat Wappen) Gröön (in dat Wappen)
RGB 0-70-174 255-210-0 204-9-47 176-126-91 0-122-80
Hexadezimalformat #0046AE #FFD200 #CC092F #B07E5B #007A50
Pantone 293c 109c 186c 4645c 3415c
CYMK 97.81.0.0 1.15.100.0 13.100.90.4 28.15.68.7 100.26.86.14

Geschichte[ännern | Bornkood ännern]

1944–1952[ännern | Bornkood ännern]

Nah de Annexion dör de Sowjetunion wiels den Tweeten Weltkrieg kreeg Moldawien af 1944 en Flagg mit de kyrillisch Bookstaaven РССМ (RSSM för Република Советикэ Сочиалистэ Молдовеняскэ; Moldauische Sozialistische Sowjetrepublik) in Serifenschrift up root Grund. De mit en Hammer krüüzt Sicht symboliseer de Vereenigung as Deel vun de Sowjetunion.

1952–1990[ännern | Bornkood ännern]

To Tiet vun de Moldauischen Sozialistischen Sowjetrepublik as Deel vun de Sowjetunion harr Moldawien af den 31. Januar 1952 en root Flagg mit horizontal verloopen, gröön Striepen ünner Hammer un Sicht. De dortofüügt Root Steern stunn as Symbol för de kommunistischen Werte un de klassenloos Sellschopp. Up de Rücksiet hemm de Symbole dorgegen fehlt. De groot Ähnlichkeit mit de Flaggen vun all Sowjetrepubliken sull dorbi nochmals dat Kollektiv un de Gliekheit ünnerstrieken.

Wiedere Flaggen vun Moldawien[ännern | Bornkood ännern]

Siet 2010 gifft dat nee Flaggen för verscheeden Amtsinhebber vun dat Land.

De Flagg vun de Armee is nich to verwesseln mit en Kriegsflagg. Se is en Flagg vun de Organisatschoon, nich en eegen Version vun de Natschonalflagg. De Flagg vun de Armee wurrd parallel to de Natschonalflagg bruukt, nich stattdessen.

Transnistrien[ännern | Bornkood ännern]

De aftrünnige Transnistrische Moldawische Republik (Transnistrien), de internatschonal nich anerkannt is, bruukt siet den fröhen 1990er Johren de Flagg vun de Moldauische SSR. För Nich-Regeeensgeschäfte as persönlichen oder kommerziellen Gebruuk is de Variante ahn de sowjeetsch Symbole (Hammer, Sicht un Steern) tolaaten. 2009 wurr tosätzlich en Natschonalflagg in de Farven witt blau root vörslahn. De ist meest identisch mit de Flagg vun de russisch Föderatschoon, blots dat Sietenverhältnis is anders (1:2 statt dat russisch 2:3). Dormit will man dat eng Verhältnis to Russland wiesen.[3]

Gagausien[ännern | Bornkood ännern]

Dat to Moldawien hörrn autonoom Rebeet Gagausien hett en eegen Flagg. Ebenso dat dor leven Volk vun de Gagausen (kiek ok: Flagg vun de Gagausen).

Enkeld Nahwiesen[ännern | Bornkood ännern]

  1. a b Flaggengesett vun Moldawien van' 17. September 2010
  2. Webupträe vun den moldauischen Präsidenten: Drapelul de Stat al Republicii Moldova, in Rumäänsch, afropen an' 6. November 2007.
  3. Transnistria considers broadening its state symbols. Artikel över Natschonalflagg up: social.moldova.org (en). Afropen an' 3. Mai 2012.

Weblinks[ännern | Bornkood ännern]

Literatur[ännern | Bornkood ännern]